തൃശൂര്‍: സമ്പൂര്‍ണ ലോക്ഡൗണ്‍ പ്രഖ്യാപിക്കുമെന്ന അഭ്യൂഹത്തെ തുടര്‍ന്ന് സാധനങ്ങള്‍ വാങ്ങാന്‍ കടകളില്‍ തിരക്കനുഭവപ്പെട്ടു. അവശ്യസാധനങ്ങള്‍ വില്‍ക്കുന്ന ഭൂരിഭാഗം കടകളിലും തിരക്കുണ്ടായി. പച്ചക്കറിക്കടകളിലും സൂപ്പര്‍മാര്‍ക്കറ്റുകളിലും ചിക്കന്‍ സ്റ്റാളുകളിലും പതിവില്‍ കവിഞ്ഞ തിരക്കായിരുന്നു. ഇതേ തുടര്‍ന്ന് സാമൂഹിക അകലം പാലിക്കാതെയാണ് പലയിടത്തും വില്‍പ്പന നടന്നത്.
സംസ്ഥാനത്ത് കൊറോണ സ്ഥിരീകരിക്കുന്നവരുടെ എണ്ണം 1000 കവിഞ്ഞതോടെ സ്മ്പൂര്‍ണ ലോക്ഡൗണ്‍ പ്രഖ്യാപിക്കേണ്ട സാഹചര്യമാണെന്ന് കഴിഞ്ഞ ദിവസം മുഖ്യമന്ത്രി പറഞ്ഞിരുന്നു. സര്‍വ്വകക്ഷിയോഗത്തില്‍ തീരുമാനമുണ്ടാകുമെന്ന അഭ്യൂഹം പരന്നതോടെയാണ് സാധനങ്ങള്‍ വാങ്ങി സ്റ്റോക്ക് ചെയ്യാന്‍ ജനങ്ങള്‍ കടകളിലേക്ക് കൂട്ടത്തോടെയെത്തിയത്.
പ്രതികരിക്കാൻ ഇവിടെ എഴുതുക: