മാനന്തവാടി:കേരള സംസ്ഥാന ഭാഗ്യക്കുറി നിര്‍മ്മല്‍ ഒന്നാം സമ്മാനം എഴുപത് ലക്ഷം മാനന്തവാടിയില്‍ വിറ്റ ടിക്കറ്റിന്. ബസ്സ് സ്റ്റാന്റില്‍ കഴിഞ്ഞ മൂന്ന് വര്‍ഷമായി ടിക്കറ്റ് വില്‍പ്പന നടത്തി വരുന്ന എടവക പായോട് കാവണകുന്ന് അശോകനും കുടുംബവും വിറ്റടിക്കറ്റിനാണ് ഒന്നാം സമ്മാനമായ 70 ലക്ഷം രൂപ സമ്മാനമായി ലഭിച്ചത്.
എന്‍ വൈ 133 208 നമ്പറിനാണ് സമ്മാനം ലഭിച്ചിരിക്കുന്നത്. ജൂലൈ 10 ന് നറുക്കെടുക്കേണ്ട ടിക്കറ്റ് കൊറോണയുമായി ബന്ധപ്പെട്ട് മാറ്റിവെയ്‌ക്കുകയായിരുന്നു. 19ാം തീയ്യതിയാണ് നറുക്കെടുത്തത്. മാനന്തവാടി ബസ്സ് സ്റ്റന്റില്‍ താല്‍ക്കാലിക കൗണ്ടറില്‍ ടിക്കറ്റ് വില്‍പ്പന നടത്തുന്ന അശോകന്‍ വില്‍പ്പന നടത്തിയ ടിക്കറ്റിനാണ് സമ്മാനം ലഭിച്ചത്.ഭാഗ്യക്കുറി കച്ചവടം തുടങ്ങിയിട്ട് അദ്യമായാണ് ഒന്നാം സമ്മാനം ലഭിക്കുന്നതെന്നും കഴിഞ്ഞ ദിവസം അഞ്ച് നമ്പര്‍ വ്യാത്യസത്തില്‍ വലിയ സമ്മാനം നഷ്ടപ്പെട്ടിരുന്നുവെന്നും അശോകന്‍ പറഞ്ഞു.
ഭാര്യ ശ്രീമതിയും ഒരുമിച്ചാണ് ലോട്ടറി വില്‍പ്പന നടത്തുന്നത്.
പ്രതികരിക്കാൻ ഇവിടെ എഴുതുക: