prathibha mla
ആലപ്പുഴ: ഒരു സ്ത്രീ ഒരു കേസില്‍ പ്രതി ആയാല്‍ അവരുടെ മാറിടത്തിന്റെ പ്രൊജക്ഷന്‍ വെച്ചുള്ള പൈങ്കിളി ചര്‍ച്ചയല്ല വേണ്ടതെന്ന് സിപിഎം എംഎല്എ പ്രതിഭ. അവരുടെ സൗന്ദര്യത്തെ കുറിച്ചും സൗന്ദര്യമില്ലായ്മയെ കുറിച്ചും ഒക്കെ അശ്ലീല പദ പ്രയോഗങ്ങളും അല്ല വേണ്ടത്. ശരിയായ ആരോഗ്യപരമായ ചര്‍ച്ചകള്‍ നടക്കട്ടെ.
വിദേശത്തേക്ക് പോകുന്ന പാവം പ്രവാസിയുടെ ബാഗേജിലെ ഹലുവ തുണ്ട് പോലും പരിശോധനക്ക് വിധേയമാക്കുന്ന വിമാന താവളങ്ങളില്‍ നിന്ന് എന്തുകൊണ്ട് യഥേഷ്ടം സ്വണ്ണം പുറത്തു വരുന്നു. വേലി തന്നെ അല്ലേ വിളവ് തിന്നുന്നതെന്നും പ്രതിഭ ഫേസ്ബുക്ക് പോസ്റ്റില്‍ ചോദിക്കുന്നു.
സ്വര്‍ണകടത്ത് കേസില്‍ മുഖ്യമന്ത്രി പിണറായി വിജയന്റെ ഓഫീസ് ആരോപണവിധേയമായ സാഹചര്യത്തിലാണ് ഇപ്പോള്‍ നടക്കുന്ന ചാനല്‍ ചര്‍ച്ചകള്‍ക്കെതിരെ ഉള്‍പ്പടെ എംഎല്എ രംഗത്തെത്തിയിട്ടുള്ളത്. കഴിഞ്ഞ ഉമ്മന്‍ചാണ്ടി സര്‍ക്കാരിന്റെ കാലത്ത് സോളാര്‍ തട്ടിപ്പ് ചര്‍ച്ചയായപ്പോള്‍ മൗനം പാലിച്ച പ്രതിഭയുടെ ഇരട്ടത്താപ്പിനെതിരെ നിരവധി കമന്റുകളാണ് ഫേസ്ബുക്ക് പോസ്റ്റില്‍ നിറയുന്നത്.
പ്രതികരിക്കാൻ ഇവിടെ എഴുതുക