മലപ്പുറം: കൊവിഡ് വ്യാപന പശ്ചാത്തലത്തില് പൊന്നാനി താലൂക്കില് ഞായറാഴ്ച സമ്പൂര്ണ ലോക്ക്ഡൗണ്. പൊന്നാനിയില് സൂപ്പര് സ്പ്രെഡ് ഉണ്ടാകാതിരിക്കാനാണ് കടുത്ത നടപടികളിലേക്ക് നീങ്ങുന്നത്. പൊന്നാനി താലൂക്കില് ഇന്നലെ മാത്രം 22 പേര്ക്കാണ് സമ്പര്ക്കത്തിലൂടെ രോഗബാധയുണ്ടായത്.
വിവിധ മേഖലകളില് ഉള്ളവര്ക്ക് രോഗം സ്ഥിരീകരിച്ചിട്ടുണ്ട്. സ്ഥിതി ഗുരുതരമായ പൊന്നാനിയില് ഇന്നലെ നിരോധനാജ്ഞ പ്രഖ്യാപിച്ചിരുന്നു. പൂന്തുറ മോഡല് വ്യാപനം ആവര്ത്തിക്കാതിരിക്കാനാണ് ശ്രമിക്കുന്നതെന്ന് പൊന്നാനി എംഎല്എ കൂടിയായ സ്പീക്കര് പി ശ്രീരാമകൃഷ്ണന് പറഞ്ഞു.
സുരക്ഷാ ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥന് കോവിഡ് സ്ഥിരീകരിച്ചതോടെ പൊന്നാനിയില് സബ്ട്രഷറി പ്രവര്ത്തനം നിര്ത്തിവെച്ചിരുന്നു. തിരൂരങ്ങാട് നഗരസഭ ഓഫീസിലെ ജീവനക്കാരന് കോവിഡ് സ്ഥിരീകരിച്ചതോടെ ഇവിടുത്തെ ഓഫീസും അടച്ചിരുന്നു.
