സതാംപ്റ്റണ്‍: സതാംപ്റ്റണ്‍: ഓപ്പണര്‍ ക്രെയ്ഗ് ബ്രാത്ത്‌വെയ്റ്റിന്റെ അര്‍ധ സെഞ്ചുറിയില്‍ വിന്‍ഡീസ് ഇംഗ്ലണ്ടിനെതിരായ ആദ്യ ടെസ്റ്റില്‍ ലീഡ് നേടി. ഇംഗ്ലണ്ടിന്റെ 204 റണ്‍സിന് മറുപടി പറയുന്ന വിന്‍ഡീസ് മൂന്നാം ദിനം ഒടുവില്‍ റിപ്പോര്‍ട്ട് കിട്ടുമ്പോള്‍ അഞ്ചു വിക്കറ്റ് നഷ്ടത്തില്‍ 243 റണ്‍സ് എടുത്തു.
റോസ്റ്റണ്‍ ചെയ്‌സും (35) ഷെയ്ന്‍ ഡൗറിച്ചും (30) പുറത്താകാതെ നില്‍ക്കുന്നു. ബ്രാത്ത്‌വെയ്റ്റ്് 65 റണ്‍സ് സ്വന്തം പേരില്‍ കുറിച്ചു. ആറു ബൗണ്ടറി ഉള്‍പ്പെട്ട ഇന്നിങ്‌സ്. ആദ്യ വിക്കറ്റില്‍ ജോണ്‍ കാംപ്ബെല്ലിനൊപ്പം ബ്രാത്ത്‌വയ്റ്റ് 43 റണ്‍സ് കൂട്ടിച്ചേര്‍ത്തു.
28 റണ്‍സ് നേടിയ കാംപ്‌ബെല്‍ ആന്‍ഡേഴ്‌സണിന്റെ പന്തില്‍ വിക്കറ്റിന് മുന്നില്‍ കുടുങ്ങി. തുടര്‍ന്നെത്തിയ ഷായ് ഹോപ്പിന് പിടിച്ചു നില്‍ക്കാനായില്ല. പതിനാറ് റണ്‍സെടുത്ത ഹോപ്പ് ബെസിന്റെ പന്തില്‍ ബെന്‍ സ്‌റ്റോക്‌സിന് പിടികൊടുത്തു. രണ്ടാം വിക്കറ്റില്‍ ബ്രാത്ത്‌വെയ്റ്റും ഷായ് ഹോപ്പും 59 റണ്‍സിന്റെ കൂട്ടുകെട്ടുണ്ടാക്കി.
ഹോപ്പിന് പിന്നാലെ ബ്രാത്ത്‌വെയ്റ്റും മടങ്ങി. 125 പന്ത് നേരിട്ട ബ്രാത്ത്്‌വെയ്റ്റ് ഒടുവില്‍ ബെന്‍സ്‌റ്റോക്‌സിന്റെ പന്തില്‍ വിക്കറ്റിന് മുന്നില്‍ കുടുങ്ങി. മൂന്നാം വിക്കറ്റില്‍ ബ്രൂക്ക്‌സിനൊപ്പം ബ്രാത്ത്‌വെയ്റ്റ് 38 റണ്‍സ് നേടി. ബ്രൂക്ക്‌സ്് 39 റണ്‍സിന് പുറത്തായി. 71 പന്ത് നേരിട്ട ബ്രൂക്ക്‌സ് ആറു ബൗണ്ടറി അടിച്ചു. വിക്കറ്റ് നഷ്ടം കൂടാതെ ഇരുപത്തിയൊന്ന് റണ്‍സെന്ന സ്‌കോറിനാണ് വിന്‍ഡീസ് ഇന്നലെ കളി തുടങ്ങിയത്. ഇംഗ്ലണ്ട് ആദ്യ ഇന്നിങ്‌സില്‍ 204 റണ്‍സിന് പുറത്തായി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: