ചവറ: ലോഡ്ജ് മുറിയിലെ മദ്യപാനത്തിനിടെയുണ്ടായ ഏറ്റുമുട്ടലില്‍ പരിക്കേറ്റ് ചികിത്സയിലിരുന്നയാള്‍ മരിച്ചു. ഒരു വര്‍ഷക്കാലമായി കുടുംബവുമായി പിണങ്ങി പന്മന ഇടപ്പള്ളിക്കോട്ടയിലെ ലോഡ്ജില്‍ താമസിച്ചിരുന്ന കരുനാഗപ്പള്ളി പടനായര്‍കുളങ്ങര വടക്ക് കോയിപ്പുറത്തു വീട്ടില്‍ സുരേഷ്(60) ആണ് മരിച്ചത്.
ശനിയാഴ്ച രാവിലെ ലോഡ്ജിലെ റൂം ക്ലീന്‍ ചെയ്യാനെത്തിയ ജീവനക്കാരാണ് അബോധാവസ്ഥയില്‍ കണ്ട സുരേഷിനെ ആശുപത്രിയില്‍ എത്തിച്ചത്. പരിശോധനയില്‍ ഗുരുതരമായി പരിക്കേറ്റിട്ടുണ്ടെന്ന് ബോധ്യപ്പെട്ടു. തുടര്‍ചികിത്സയ്‌ക്കിടെ കഴിഞ്ഞ ദിവസം രാത്രിയാണ് മരിച്ചു.
ചവറ പോലീസ് നടത്തിയ അന്വേഷണത്തില്‍ അടുത്തടുത്ത മുറികളിലെ താമസക്കാരനായ തോട്ടിപ്പണിക്കാരന്‍ പുനലൂര്‍ കല്ലറയ്‌ക്കല്‍ സ്വദേശി ജയനിവാസില്‍ ഷാജി, പന്മനയില്‍ ടൂവീലര്‍ വര്‍ക്ക്ഷോപ്പ് നടത്തുന്ന ഗൂഡല്ലൂര്‍, ഡോര്‍ നമ്പര്‍ 26ല്‍ കുമാര്‍ എന്നിവരാണ് മര്‍ദ്ദിച്ചതെന്ന് കണ്ടെത്തി. ഇതില്‍ കുമാര്‍ പിടിയിലായി. പരേതയായ കുഞ്ഞുമോളാണ് കൊല്ലപ്പെട്ട സുരേഷിന്റെ ഭാര്യ. ബില്‍ജിത്ത്, നീതു എന്നിവര്‍ മക്കളാണ്.
പ്രതികരിക്കാൻ ഇവിടെ എഴുതുക: