ന്യൂദല്ഹി: പുല്ലാങ്കുഴല് വായിക്കുന്ന കൃഷ്ണനോടു പ്രാര്ഥിക്കുകയും സുദര്ശനചക്രം വഹിക്കുന്ന കൃഷ്ണനെ ആരാധിക്കുകയും ചെയ്യുന്ന നാടാണ് ഇന്ത്യ. ഗൗതമ ബുദ്ധന്റെ വാക്കുകളില് നിന്ന് പ്രചോദനം ഉള്ക്കൊണ്ടവരാണ് ഇന്ത്യയിലെ ജനങ്ങള്. അവരുടെ ധീരത, ദൃഢതയും അനുകമ്പയുമായി ബന്ധപ്പെട്ടിരിക്കുന്നുവെന്നു. തമിഴ് മഹാകവി തിരുവള്ളുവര് പറഞ്ഞ ശൗര്യം, ആദരം, മര്യാദ, വിശ്വാസ്യത എന്നീ നാലു ഗുണങ്ങളും ചേര്ന്നതാണ് ഇന്ത്യന് സൈന്യം.ഹിമാലയത്തോളം ഉറപ്പും ദൃഢനിശ്ചയവുമുള്ളവരാണ് അവര്. സൈന്യത്തിന്റെ അനിതരസാധാരണ ധൈര്യം ഇന്ത്യയുടെ കരുത്ത് ലോകത്തിനു കാട്ടിക്കൊടുത്തു.
രാജ്യത്തെ സൈനികരുമായി ആശയവിനിമയം നടത്താന് ലഡാക്കിലെ നിമുവിലെത്തിയ പ്രധാനമന്ത്രി നരേന്ദ്ര മോദിയുടെ ഓരോ വാക്കുകളിലും രാജ്യത്തിന്റെ മഹത്തായ സംസ്ക്കാത്തിലും പാരമ്പര്യത്തിലുമുള്ള അഭിമാനവും പോരാട്ട വീര്യവുമായിരുന്നു. സിന്ധു നദിയുടെ തീരത്ത്് സംസ്കാര് പര്വ്വത നിരകളാല് ചുറ്റപ്പെട്ടിരിക്കുന്ന നിമുവിലെത്തിയ പ്രധാനമന്ത്രി ഉന്നത സൈനിക ഉദ്യോഗസ്ഥരെ കാണുകയും തുടര്ന്ന് കരസേന, വ്യോമസേന, ഐടിബിപി സൈനികരുമായി സംവദിക്കുകയും ചെയ്തു.
സൈനികരുടെ ധീരതക്ക് പ്രണാമം
നമ്മുടെ ധീരരായ സേനാംഗങ്ങള്ക്ക് പ്രണാമമര്പ്പിച്ച പ്രധാനമന്ത്രി പറഞ്ഞു. മാതൃരാജ്യത്തോടുള്ള അവരുടെ കൂറും ധൈര്യവും സമാനതകളില്ലാത്തതാണ്. നമ്മുടെ സൈന്യം ഉറച്ചുനിന്ന് രാജ്യത്തെ സംരക്ഷിക്കുന്നുവെന്ന ബോധം ഉള്ളതിനാലാണ് ഇന്ത്യയിലെ ജനങ്ങള് ജീവിതം സമാധാനപരമായി മുന്നോട്ട് കൊണ്ടുപോകുന്നത്. പോയ വാരങ്ങളില് നമ്മുടെ സൈന്യത്തിന്റെ അനിതരസാധാരണ ധൈര്യം ഇന്ത്യയുടെ കരുത്ത് ലോകത്തിന്റെ ശ്രദ്ധയിലെത്തിച്ചു. പ്രധാനമന്ത്രി പറഞ്ഞു.
ഗല്വാന് താഴ്വരയില് ജീവത്യാഗം ചെയ്ത മാതൃരാജ്യത്തിന്റെ അഭിമാന പുത്രന്മാരെ പ്രധാനമന്ത്രി അനുസ്മരിച്ചു. രക്തസാക്ഷിത്വം വരിച്ചവര് ഇന്ത്യയുടെ എല്ലാ ഭാഗങ്ങളില് നിന്നുള്ളവരാണെന്നും അവര് നമ്മുടെ രാജ്യത്തിന്റെ ധൈര്യത്തിന്റെ പ്രതീകങ്ങളാണ്.ലേ-ലഡാക്കോ, കാര്ഗിലോ അല്ലെങ്കില് സിയാച്ചിന് ഹിമാനിയോ ആകട്ടെ, വലിയ പര്വതങ്ങളോ നദികളിലൊഴുകുന്ന തണുത്തുറഞ്ഞ ജലമോ ആകട്ടെ, ഇവയെല്ലാം ഇന്ത്യയുടെ സായുധ സേനയുടെ ധീരതയ്ക്ക് തെളിവുകളാണ് ഇന്ത്യയുടെ ശത്രുക്കള് നമ്മുടെ സൈന്യത്തിന്റെ ശൗര്യവും ഉഗ്രകോപവും കണ്ടുവെന്നും പ്രധാനമന്ത്രി പറഞ്ഞു.
സമാധാനത്തോടുള്ള പ്രതിബദ്ധത ബലഹീനതയല്ല
സമാധാനം, സൗഹൃദം, ധൈര്യം എന്നിവ പണ്ടുമുതലേ ഇന്ത്യയുടെ സംസ്കാരത്തിന്റെ ഭാഗമായിരുന്നു. സമാധാനത്തിന്റെയും അഭിവൃദ്ധിയുടെയും അന്തരീക്ഷം തടസ്സപ്പെടുത്താന് ശ്രമിച്ച ഏതൊരാള്ക്കും ഇന്ത്യ എല്ലായ്പ്പോഴും തക്കതായ മറുപടി നല്കിയിട്ടുണ്ടെന്ന് പ്രധാനമന്ത്രി നരേന്ദ്ര മോദി പറഞ്ഞു.
സമാധാനത്തിനും സൗഹൃദത്തിനും ഇന്ത്യ പ്രതിജ്ഞാബദ്ധമാണെന്നും എന്നാല് സമാധാനത്തോടുള്ള ഈ പ്രതിബദ്ധത ഇന്ത്യയുടെ ദൗര്ബല്യമായി കാണരുതെന്നും അദ്ദേഹം വ്യക്തമാക്കി. നാവികശക്തിയാകട്ടെ, വ്യോമശക്തിയാകട്ടെ, ബഹിരാകാശ ശക്തിയാകട്ടെ, നമ്മുടെ സൈന്യത്തിന്റെ ശക്തിയാകട്ടെ, ഇവയില്ലെല്ലാം ഇന്ത്യ ഇന്ന് കൂടുതല് കരുത്താര്ജിക്കുകയാണ്. ആയുധങ്ങളുടെ നവീകരണവും അടിസ്ഥാന സൗകര്യങ്ങളുടെ മെച്ചപ്പെടുത്തലും നമ്മുടെ പ്രതിരോധ ശേഷി പതിന്മടങ്ങ് വര്ധിപ്പിച്ചു.രണ്ട് ലോകമഹായുദ്ധങ്ങള് ഉള്പ്പെടെ, ആഗോള സൈനികനീക്കങ്ങളില് ഇന്ത്യന് സൈനികര്ക്ക് ധീരതയുടെയും കഴിവിന്റെയും ദീര്ഘകാല ചരിത്രമുണ്ടെന്നും പ്രധാനമന്ത്രി അനുസ്മരിച്ചു.
വികസനത്തിന്റെ യുഗം
പിടിച്ചെടുക്കലുകളുടെ സമയം അവസാനിച്ചു. ഇത് വികസനത്തിന്റെ കാലഘട്ടമാണ്. പിടിച്ചെടുക്കലെന്ന മനോഭാവമാണ് വലിയ ഹാനിയുണ്ടാക്കിയത്.
കഴിഞ്ഞ കുറച്ചു വര്ഷങ്ങളായി, ഇന്ത്യന് സൈന്യത്തിന്റെ ക്ഷേമത്തിനും രാജ്യത്തിന്റെ സുരക്ഷാ സജ്ജീകരണങ്ങള്ക്കുമായി നിരവധി നടപടികള് സ്വീകരിച്ചു. നവീന ആയുധങ്ങളുടെ ലഭ്യത ഉറപ്പുവരുത്തുക, അതിര്ത്തിയിലെ അടിസ്ഥാന സൗകര്യങ്ങള് മെച്ചപ്പെടുത്തല്, അതിര്ത്തി മേഖലാ വികസനം, റോഡ് ശൃംഖല മെച്ചപ്പെടുത്തല് എന്നിവ ഇതില് ഉള്പ്പെടുന്നു. അതിര്ത്തിയിലെ അടിസ്ഥാന സൗകര്യങ്ങള്ക്കുള്ള ചെലവ് മൂന്ന് മടങ്ങ് വര്ധിപ്പിച്ചു.
ദേശീയ സുരക്ഷാ സംവിധാനങ്ങള് ശക്തിപ്പെടുത്തുന്നതിനും നമ്മുടെ സൈന്യത്തിന്റെ ക്ഷേമം ഉറപ്പുവരുത്തുന്നതിനുമുള്ള നടപടികള് എടുത്തു.ശ്രമങ്ങളെക്കുറിച്ചും പ്രധാനമന്ത്രി പരാമര്ശിച്ചു. സിഡിഎസ്സിന്റെ രൂപവല്ക്കരണം, മഹത്തായ ഒരു ദേശീയ യുദ്ധസ്മാരകം നിര്മ്മിക്കല്, പതിറ്റാണ്ടുകള്ക്ക് ശേഷം ഒആര്ഒപിയുടെ പൂര്ത്തീകരണം, സൈനികരുടെ കുടുംബങ്ങളുടെ ക്ഷേമം ഉറപ്പുവരുത്തുന്നതിനുള്ള നടപടികള് തുടങ്ങി സമീപകാല പ്രവര്ത്തനങ്ങളാണ്. പധാനമന്ത്രി നരേന്ദ്ര മോദി പറഞ്ഞു.
