ന്യൂദല്‍ഹി: യുവ താരങ്ങള്‍ ഇന്ത്യന്‍ നായകന്‍ വിരാട് കോഹ്‌ലിയെ മാതൃകയാക്കണമെന്നും അദ്ദേഹത്തില്‍നിന്ന് പഠിക്കാനേറെയുണ്ടെന്നും മലയാളി താരം സഞ്ജു സാംസണ്‍. ഡ്രസിങ് റൂമില്‍ സൗമ്യനാണ് കോഹ്‌ലി. എന്നാല്‍ കളിയുടെ കാര്യം വന്നാല്‍ എല്ലാം കൃത്യമാക്കും. ജിമ്മില്‍ കൂടുതല്‍ സമയം ചെലവഴിക്കുന്ന താരങ്ങളിലൊരാളാണ്. ദിവസവും കഠിന പ്രയത്‌നം ചെയ്യുന്നത് യുവതാരങ്ങള്‍ അദ്ദേഹത്തില്‍ നിന്ന് പഠിക്കേണ്ടതാണെന്നും സഞ്ജു പറഞ്ഞു.
വിരാടിനൊപ്പമുള്ള സമയം കൂടുതല്‍ പഠിക്കാനുള്ള സമയമാക്കുകയാണ് പതിവ്. തെറ്റുകള്‍ കണ്ടാല്‍ തിരുത്തുകയും അടുത്ത് ഇടപഴകുകയും ചെയ്യും. യുവ താരങ്ങളെ ഉയര്‍ത്തുന്നതില്‍ കോഹ്‌ലിക്ക് വലിയ പങ്കുണ്ടെന്നും സഞ്ജു പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: