കറാച്ചി: ഇംഗ്ലണ്ടിനെതിരായ പരമ്പരയില്‍ പേസര്‍ ജോഫ്ര ആര്‍ച്ചര്‍ തന്റെ ടീമിന് കടുത്ത ഭീഷണിയാകുമെന്ന് പാക്കിസ്ഥാന്‍ ബാറ്റിങ് പരിശീലകനും മുന്‍ താരവുമായ യൂനിസ് ഖാന്‍ പറഞ്ഞു.
ടെസ്റ്റ് പരമ്പരക്കായി പാക് ടീം ഇംഗ്ലണ്ടിലേക്ക് പറക്കുന്നതിന് മുമ്പ് മാധ്യമങ്ങളോട് സംസാരിക്കുകയായിരുന്നു അദ്ദേഹം . ആഗസ്ത് ആദ്യവാരം തുടങ്ങുന്ന പരമ്പരയില്‍ മൂന്ന്് ടെസ്റ്റും അത്രയും തന്നെ ഏകദിനമത്സരങ്ങളുമാണുള്ളത്.
ഇംഗ്ലണ്ടിനായി കളിക്കാന്‍ യോഗ്യത നേടിയതു മുതല്‍ ആര്‍ച്ചര്‍ മികച്ച പ്രകടനം കാഴ്ചവയ്‌ക്കുന്നുണ്ട്. കഴിഞ്ഞ വര്‍ഷത്തെ ആഷസ് പരമ്പരയിലും ഇംഗ്ലണ്ടിന്റെ ലോകകപ്പ് വിജയത്തിലും നിര്‍ണായക പങ്കു വഹിച്ചു.
മത്സരങ്ങള്‍ വിജയിപ്പിക്കാന്‍ കഴിയുന്ന കളിക്കാരനാണ് ആര്‍ച്ചര്‍. ഈ ഇരുപത്തിയഞ്ചുകാരന്‍ ഞങ്ങള്‍ക്ക് ഭീഷണിയാകുമെന്നും യൂനിസ് പറഞ്ഞു. 2016 ലെ ഇംഗ്ലണ്ട് പര്യടനത്തില്‍ ടെസ്റ്റ് പരമ്പര സമനിലയാക്കുന്നതില്‍ നിര്‍ണായ പങ്കുവഹിച്ച കളിക്കാരനാണ് യൂനിസ്ഖാന്‍. അന്ന്് ഓവലിലെ അവസാന ടെസ്റ്റില്‍ യൂനസ് ഖാന്‍ ഇരട്ട സെഞ്ചുറി കുറിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: