ബെര്‍ലിന്‍: ബയേണ്‍ മ്യൂണിക്ക് സ്‌ട്രൈക്കര്‍ റോബര്‍ട്ട് ലെവന്‍ഡോസ്‌കി ഈ സീസണിലെ മികച്ച ബുന്ദ്‌ലിഗ താരമായി. വോട്ടെടുപ്പില്‍ അമ്പത് ശതമാനത്തിലേറെപ്പേരുടെ പിന്തുണയോടെയാണ് ലെവന്‍ഡോസ്‌കി ഈ സീസണിലെ താരമായത്.
ടിമോ വെര്‍ണര്‍, ജാഡണ്‍ സാഞ്ചോ, അമിനി ഹറിറ്റ്, ഏര്‍ലിങ് ഹലാര്‍ഡ്, കയ് ഹാവെര്‍ട്‌സ്, സെര്‍ജി ഗാബ്രി തുടങ്ങിവരെ പിന്തള്ളിയാണ് ലെവന്‍ഡോസ്‌കി ഒന്നാം സ്ഥാനത്തെത്തിയത്.
ലെവന്‍ഡോസ്‌കി ഈ സീസണില്‍ മികച്ച പ്രകടമാണ് കാഴ്ചവച്ചുവരുന്നത്. തുടര്‍ച്ചയായി പതിനൊന്ന് മത്സരങ്ങള്‍ ഗോള്‍ നേടി ബുന്ദസ് ലിഗയില്‍ റെക്കോഡിട്ടു. ഈ സീസണില്‍ ഇതുവരെ നടന്ന മത്സരങ്ങളിലായി പതിനാറ് ഗോളുകള്‍ നേടി.
പ്രതികരിക്കാൻ ഇവിടെ എഴുതുക: