ടെക്‌സസ്: ഡാളസ് കൗണ്ടി കരോള്‍ട്ടണ്‍ സിറ്റിയിലെ ഒരു വീട്ടില്‍ 18 പേര്‍ക്ക് കൊറോണ വൈറസ് പോസിറ്റിവ്. ‘ഇവരില്‍ 3 പേരെ ആശുപത്രിയില്‍ പ്രവേശിപ്പിച്ചു.
ബര്‍ത്ത് ഡേ പാര്‍ട്ടിയില്‍ പങ്കെടുത്ത ഒരു ബന്ധുവില്‍ നിന്നാണ് കൊവിഡ് മറ്റ് 17 പേര്‍ക്കും പകര്‍ന്നത്. ആദ്യം ഏഴ് പേര്‍ക്ക് കൊറോണ പോസിറ്റീവ് ആയി. തുടര്‍ന്ന് മറ്റുള്ളവര്‍ക്കും പരിശോധന നടത്തിയപ്പോഴാണ് കൊവിഡ് കണ്ടെത്തിയത്.
പെര്‍ ബര്‍ബോസയുടെ മകളുടെ 30-ാം ജന്മദിനത്തില്‍ സംഘടിപ്പിച്ച പാര്‍ട്ടിയിലാണ് ഇത്രയും പേരിലേക്ക് കോവിഡ് പകരുന്നതിന് കാരണം.
പാര്‍ട്ടിക്കു മുമ്പ് ഇവര്‍ ഗോള്‍ഫ് കളിച്ചതായും ബര്‍ബോസ പറഞ്ഞു.
സോഷ്യല്‍ ഡിസ്റ്റന്‍സിങ് പാലിച്ചും മാസ്‌ക് ധരിച്ചുമൊക്കെയാണ് പാര്‍ട്ടിയില്‍ പങ്കെടുത്തതെങ്കിലും കൊവിഡിനെ തടയാനായില്ല. രണ്ടു കുട്ടികളും രണ്ട് മുത്തച്ഛന്മാരും ഒരു കാന്‍സര്‍ രോഗിയും ബര്‍ബോസയുടെ മാതാപിതാക്കളും ഉള്‍പ്പടെയുള്ളവര്‍ക്കാണ് കോവിഡ് ബാധിച്ചത്.
പ്രതികരിക്കാൻ ഇവിടെ എഴുതുക: