വടകര: ചോമ്പാല ഹാര്ബറിനുളളിലേക്ക് വാഹനങ്ങള്ക്കുളള പ്രവേശന നിരക്കില് വന് വര്ദ്ധനവ്. പത്തു മുതല് 400 ശതമാനം വരെ വര്ദ്ധനവാണ് 22മുതല് നടപ്പാക്കിയത്. വലിയ വാഹനങ്ങള്ക്ക് പത്ത് ശതമാനവും ഇരുചക്രവാഹനങ്ങള്ക്ക് 400 ശതമാനവും വര്ദ്ധനവാണ് വരുത്തിയിരിക്കുന്നത്. ഇരുചക്രവാഹനങ്ങള്ക്ക് നിലവില് പത്ത് രൂപയാണ് വാങ്ങുന്നത്. അത് 55 രൂപയാക്കാനാണ് നിര്ദ്ദേശം.
കഴിഞ്ഞ ദിവസം മാനേജ്മെന്റ് കമ്മിറ്റിയുമായുളള ചര്ച്ചയില് 30 രൂപ ഇടക്കാനാണ് തീരുമാനം. ഇത് തൊഴിലാളി യൂണിയന് അംഗീകരിച്ചിട്ടില്ല. മത്സ്യവിതരണം സ്വയം തൊഴിലായി സ്വീകരിച്ച ആയിരക്കണക്കിന് ചെറുകിട കച്ചവടക്കാര്ക്ക് വലിയ ബാദ്ധ്യതയാണ് ഇതുണ്ടാക്കുന്നത്. വര്ദ്ധനയില് പ്രതിഷേധിച്ച് 27ന് ഹാര്ബറിന് മുമ്പില് പ്രതിഷേധ സമരം നടത്തുമെന്ന് ചോമ്പാല മത്സ്യവിതരണ തൊഴിലാളി യൂണിയന് അറിയിച്ചു.
