കൊട്ടാരക്കര: ലഡാക്കിലെ ഗാല്‍വന്‍ താഴ്‌വരയില്‍ വീരമൃത്യു വരിച്ച ധീര സൈനികര്‍ക്ക് പൂര്‍വസൈനികരുടെ ശ്രദ്ധാഞ്ജലി. പൂര്‍വ്വ സൈനിക സേവാ പരിഷത്ത് പള്ളിക്കല്‍ യൂണിറ്റിന്റെ നേതൃത്വത്തില്‍ പള്ളിക്കല്‍ ജംഗ്ഷനിലാണ് വീരമൃത്യു വരിച്ച 20 ധീരജവാന്മാര്‍ക്ക് ശ്രദ്ധാഞ്ജലി അര്‍പ്പിച്ചത്.
എല്ലാവിധ ചൈനീസ് ഉല്‍പന്നങ്ങളും ബഹിഷ്‌ക്കരിച്ച് സ്വദേശി ഉല്‍പന്നങ്ങളുടെ അമ്പാസിഡര്‍മാരായി സമൂഹം മാറണമെന്ന് ജില്ലാ പ്രസിഡന്റ് പള്ളിക്കല്‍ ശശിധരന്‍പിള്ള പറഞ്ഞു. യൂണിറ്റ് പ്രസിഡന്റ് രാമചന്ദ്രന്‍ നായര്‍ അദ്ധ്യക്ഷനായി. യൂണിറ്റ് സെക്രട്ടറി രാജേഷ്‌കുമാര്‍, അനില്‍കുമാര്‍, ഉണ്ണികൃഷ്ണപിള്ള, ശിവശങ്കരപിള്ള, സൈന്യ മാതൃശക്തി യൂണിറ്റ് പ്രസിഡന്റ് നയന അനില്‍, സെക്രട്ടറി വിമല എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: