ഹൈദരാബാദ്: തെലങ്കാനയിലെ മുതിര്ന്ന കോണ്ഗ്രസ് നേതാവിന് കൊറോണ സ്ഥിരീകരിച്ചു. വി. ഹനുമന്ത റാവുവിനാണ് രോഗബാധ സ്ഥിരീകരിച്ചത്. സ്വകാര്യ ആശുപത്രിയില് ചികിത്സയ്ക്കായി പ്രവേശിപ്പിച്ച ഇയാളുടെ സമ്പര്ക്ക പട്ടികയില് രാഹുല് ഗാന്ധി ഉള്പ്പടെയുള്ള നേതാക്കള്.
സംസ്ഥാനത്തെ കൊറോണ പ്രതിരോധ പ്രവര്ത്തനങ്ങളില് റാവു പങ്കെടുത്തതായി റിപ്പോര്ട്ടുകള് പുറത്തുവന്നിരുന്നു. അതിനു പിന്നാലെ രോഗലക്ഷണങ്ങല് കണ്ടതിനെ തുടര്ന്ന് പരിശോധന നടത്തിയതോടെയാണ് കൊറോണ സ്ഥിരീകരിച്ചത്.
അതേസമയം ഇയാള് അടുത്തിടെ രാഹുല് ഗാന്ധിയുടെ ജന്മദിന പരിപാടിയില് ഉള്പ്പടെ പങ്കെടുത്തിരുന്നു. കുടാതെ പൊതുജനങ്ങള്ക്കായി ബോധവത്കരണ പരിപാടിയും സംഘടിപ്പിച്ചിരുന്നു. റാവുമായി സമ്പര്ക്കം പുലര്ത്തിയവരെല്ലാം സ്വയം ക്വാറന്റൈനില് പ്രവേശിപ്പിച്ചിരിക്കുകയാണ്.
