ഫിനിക്സ്:മലയാള മാധ്യമങ്ങളും,സാമൂഹ്യ രാഷ്ട്രീയ കാഴ്ചപ്പാടുകളും എന്ന വിഷയത്തെ അധികരിച്ചു സാമൂഹ്യ,രാഷ്ട്രീയ നിരീക്ഷകനും,അഭിഭാഷകനുമായ അഡ്വ.എ ജയശങ്കര്, ഐ ടി വിദഗ്ധനും രാഷ്ട്രീയ നിരീക്ഷകനും എഴുത്തുകാരനുമായ ശ്രീജിത്ത് പണിക്കര്, ജനം ടി.വി ചീഫ് എഡിറ്ററും സംവാദകനുമായ ജി. കെ. സുരേഷ്ബാബു എന്നിവരെ പങ്കെടുപ്പിച്ചുകൊണ്ട് കേരള ഹിന്ദുസ് ഓഫ് നോര്ത്ത് അമേരിക്ക വെബിനാര് സംഘടിപ്പിച്ചു.
വാര്ത്താ പ്രക്ഷേപണരംഗത്തെ ആനുകാലിക ചലനങ്ങളും,അവതാരകരുടെയും മാധ്യമ മുതലാളിമാരുടെയും നിഷ്പക്ഷമല്ലാത്ത രാഷ്ട്രീയ നിലപാടുകളും ചര്ച്ച ചെയ്യുകയും പ്രേക്ഷകരുടെ പ്രതികരണങ്ങള്ക്ക് മറുപടി നല്കുകയും ചെയ്തു. സംവാദത്തില് കെ എച് എന് എ മുന് പ്രസിഡന്റ് സുരേന്ദ്രന് നായര് മോഡറേറ്ററായിരുന്നു.
