കണ്ണൂർ: പട്ടിക ജാതി /വർഗ്ഗക്കാരുടെ അവകാശങ്ങളും ആനുകുല്യങ്ങളും നിഷേധിക്കുന്നത് ഇടനിലക്കാർ തട്ടി എടുക്കുന്നത് ഇന്നും തുടരുകയാണ്. തൊട്ടുകൂടായ്മയും തീണ്ടി കൂടായ്മയും നിലനിന്നിരുന്ന ഇരുണ്ട കാലത്തേക്ക് തിരിച്ചു പോവുകയാണോ എന്ന് സംശയിക്കേണ്ടിയിക്കേണ്ട രീതിയിലാണ് കേരളത്തിന്റെ പോക്കെന്ന് ബിജെപി ദേശീയ സമിതി അംഗം പി കെ വേലായുധൻ പറഞ്ഞു.
ബിജെപി കണ്ണൂർ ജില്ല കമ്മിറ്റി സംഘടിപ്പിച്ച മഹാത്മ അയ്യങ്കാളിയുടെ എഴുപത്തി ഒൻപതാമത് സ്മൃതിദിനത്തിൽ അനുസ്മരണ പ്രസംഗം നടത്തുകയായിരുന്നു അദ്ദേഹം.
പട്ടികജാതി/വർഗ്ഗ സമുദായക്കാർക്ക് നേരെ അതിക്രമങ്ങൾ വർദ്ധിച്ച് വരികയാണെന്നും ഭരണകക്ഷി നേതാക്കൾ തന്നെ പട്ടികജാതിക്കാരെ തല്ലി കൊല്ലുന്ന അവസ്ഥയാണ് കേരളത്തിലുള്ളത് എന്നും അദ്ദേഹം തുടർന്ന് പറഞ്ഞു. കണ്ണൂർ മണ്ഡലം പ്രസിഡന്റ് കെ. രതീഷ് അദ്ധ്യക്ഷത വഹിച്ചു. ജില്ലാ പ്രസിഡന്റ് എൻ. ഹരിദാസ് സംസാരിച്ചു. യു.ടി. ജയന്തൻ, എ. ഒ .രാമചന്ദ്രൻ , അഡ്വ.കെ .രഞ്ചിത്ത്, ലത്തീഷ് കെ പി ,ബാബു ഒതയോത്ത്, ബിജു, അനിൽ കുമാർ തുടങ്ങിയവർ നേതൃത്വം നൽകി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: