അഞ്ചല്‍: ടെലിവിഷനില്ലാത്ത കാരണത്താല്‍ð ഓണ്‍ലൈന്‍ വിദ്യാഭ്യാസം മുടങ്ങിയ കുട്ടികള്‍ക്ക് പുതിയ ടിവി വാങ്ങി നല്‍കി അധ്യാപകസംഘടനയായ എന്‍ടിയു. ദേശീയ അദ്ധ്യാപക പരിഷത്ത് അഞ്ചല്‍ ഉപജില്ല കമ്മിറ്റിക്ക് ജില്ലാട്രഷററും അധ്യാപകനുമായ ഇടയ്‌ക്കിടം അനില്‍കുമാര്‍ സംഭാവന ചെയ്ത എല്‍ഇഡി ടിവി വടമണ്‍ ഗവ. യുപി സ്‌കൂളിലെ ഓണ്‍ലൈന്‍ വിദ്യാഭ്യാസം ലഭ്യമാകാത്ത കുട്ടികള്‍ക്കാണ് കൈമാറിയത്.
അഞ്ചല്‍ പഞ്ചായത്തിലെ അരീപ്ലാച്ചി കോളനിയിലെ വിദ്യാര്‍ഥികള്‍ക്ക് നല്‍കുന്നതിനുവേണ്ടി വടമണ്‍ ഗവ. യുപിഎസ് ഹെഡ്മിസ്ട്രസ് ബി.കെ.ജയകുമാരിക്ക് എന്‍ടിയു ജില്ലാപ്രസിഡന്റ് പാറംകോട് ബിജു ടിവി കൈമാറി
സബ് ജില്ലാ പ്രസിഡന്റ് ഹരി അധ്യക്ഷനായി. ബിജെപി പുനലൂര്‍ മണ്ഡലം പ്രസിഡന്റ് ഉമേഷ്ബാബു, വാര്‍ഡ് മെമ്പര്‍ മേബിള്‍ റോയ്, സ്‌കൂള്‍ പിടിഎ പ്രസിഡന്റ് ജെറോസ് ലാല്‍, സ്റ്റാഫ് സെക്രട്ടറി ജി. ബൈജു, ജില്ല വൈസ് പ്രസിഡന്റ് മിനി, ബീനാഗീരീഷ്, അനീഷ്, കൃഷ്ണകുമാര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: