ദുബായ്: ഹോട്ടലുകള് തുറക്കുമ്പോള് പാലിക്കേണ്ട മാര്ഗനിര്ദേശങ്ങള് യുഎഇ പുറത്തിറക്കി. റസ്റ്റോറന്റുകളും കഫേകളും പ്രവര്ത്തിക്കുന്നതിനുള്ള സമയം രാവിലെ ആറ് മുതല് രാത്രി ഒന്പത് വരെയായിരിക്കും.
ഒരു ടേബിളില് നാല് പേര്ക്ക് ഭക്ഷണം കഴിക്കാം. ടേബിളുകള് തമ്മില് 2.5 മീറ്റര് സ്ഥലം വിടണം. എല്ലാ ജീവനക്കാരും കൊവിഡ് പരിശോധന നടത്തിയിരിക്കണം. പിന്നീടുള്ള ഓരോ 15 ദിവസത്തിലും ആവര്ത്തിച്ചുള്ള പരിശോധനകള് നടത്തുകയും വേണം.
ഹോട്ടലുകള് ഇന്ഫ്രാറെഡ് തെര്മോമീറ്ററും തെര്മല് ക്യാമറകളും സജ്ജീകരിക്കണം. ഓരോ പ്രവൃത്തി ദിവസവും നിരവധി തവണ ജീവനക്കാരുടെ ശരീര ഊഷ്മാവ് പരിശോധിക്കണം. ഹോട്ടലുകളില് താമസിക്കുന്ന ഒരു അതിഥി താമസം അവസാനിപ്പിച്ച് പോയാല് 24 മണിക്കൂറിന് ശേഷമേ അതേ മുറി മറ്റൊരാള്ക്ക് നല്കാവൂ.
റസ്റ്റോറന്റുകള്, കഫേകള്, ജിമ്മുകള്, സ്വിമ്മിങ് പൂളുകള് തുടങ്ങിയവ കുറഞ്ഞ ആളുകളെ മാത്രം പ്രവേശിപ്പിച്ച് പ്രവര്ത്തിക്കണം. ഇവിടങ്ങളില് പ്രവേശിക്കുന്നതിന് മുമ്ബും ഉപഭോക്താക്കളുടെ താപനില പരിശോധിക്കണം.
ഓരോ ഉപയോഗത്തിന് ശേഷവും മെനു കാര്ഡുകള് അണുവിമുക്തമാക്കണമെന്നും മാര്ഗ നിര്ദേശത്തില് വ്യക്തമാക്കുന്നു.
