കുന്നത്തൂര്‍: രോഗിയുമായി പോയ ആംബുലന്‍സ് അപകടത്തില്‍ പെട്ടു. ശാസ്താംകോട്ടയിലെ സ്വകാര്യ ആശുപത്രിയുടെ ഐസിയു സംവിധാനമുള്ള ആംബുലന്‍സ് ടിപ്പര്‍ ലോറിയ്ക്ക് പിന്നില്‍ ഇടിച്ച് കയറുകയായിരുന്നു. ആംബുലന്‍സിലുണ്ടായിരുന്നവര്‍ക്ക് നിസാര പരിക്കേറ്റു. ആംബുലന്‍സിന്റെ മുന്‍ഭാഗം പൂര്‍ണമായി തകര്‍ന്നു. ശാസ്താംകോട്ടയില്‍ നിന്നും രോഗിയുമായി കൊട്ടാരക്കരയിലെ ആശുപത്രിയിലേക്ക് പോവുകയായിരുന്നു.
ഇന്നലെ രാവിലെ 7.30 ന് ഭരണിക്കാവ് ടൗണില്‍ ട്രാഫിക് ഐലന്റിന് സമീപമാണ് അപകടം നടന്നത്. കടപുഴ ഭാഗത്ത് നിന്ന് വന്ന ടിപ്പര്‍ ലോറി ചക്കുവള്ളി ഭാഗത്തേക്ക് തിരിഞ്ഞപ്പോള്‍ ശാസ്താംകോട്ട ഭാഗത്ത് നിന്ന് വന്ന ആംബുലന്‍സ് ടിപ്പര്‍ ലോറിയുടെ പിന്നില്‍ ഇടിക്കുകയായിരുന്നു. ഇടിയില്‍ ആംബുലന്‍സിന് സാരമായ തകരാര്‍ പറ്റിയിട്ടുണ്ട്.
ഡ്രൈവറെ കൂടാതെ രോഗിയും ബന്ധുവായ സ്ത്രീയുമായിരുന്നു ആംബുലന്‍സിലുണ്ടായിരുന്നത്. പിന്നീട് മറ്റൊരു ആംബുലന്‍സ് എത്തിച്ച് രോഗിയെ കൊട്ടാരക്കരയിലെ സ്വകാര്യ ആശുപത്രിയിലേക്ക് കൊണ്ടുപോയി. ശാസ്താംകോട്ട പോലീസ് എത്തി അപകടത്തില്‍പ്പെട്ട വാഹനങ്ങള്‍ നീക്കം ചെയ്തു.
പ്രതികരിക്കാൻ ഇവിടെ എഴുതുക: