കല്‍പ്പറ്റ:കോവിഡ് 19 തടയുന്നതില്‍ നടത്തുന്ന സാമൂഹ്യ പ്രവര്‍ത്തനങ്ങളുടെ ഭാഗമായി വിവിധ മേഖലകളില്‍ മികവു പുലര്‍ത്തുന്ന വ്യക്തിത്വങ്ങളെ ആദരിച്ചു. ഇതോടനുബന്ധിച്ച് ജില്ലയിലെ കോവിഡ് 19 ന്റെ വ്യാപനം തടയുന്നതില്‍ അഹോരാത്രം പ്രയത്‌നിച്ച വിവിധ വകുപ്പു മേധാവികളെ ഇന്ത്യന്‍ സീനിയര്‍ ചേംബറിന്റെ കല്‍പ്പറ്റ ലീജിയന്‍ കളക്ടറുടെ ചേംബറില്‍ നടന്ന ചടങ്ങില്‍ ആദരിച്ചു.
ജില്ലാ കളക്ടര്‍ ഡോ.അദീല അബ്ദുള്ള , ജില്ലാ പോലീസ് മേധാവി . ആര്‍.ഇളങ്കോ , ജില്ലാ മെഡിക്കല്‍ ഓഫീസര്‍ ഡോ.ആര്‍.രേണുക എന്നിവരെയാണ് ആദരിച്ചത്. പ്രസിഡന്റ് പി ബാലകൃഷ്ണന്‍ അദ്ധ്യക്ഷത വഹിച്ചു. സെക്രട്ടറി സെയ്ത് അലവി.പി.ജെ, ജോസ് കുട്ടി, ഡോ.നൗഷാദ് പള്ളിയാലില്‍, സാബിര്‍ എഹ്‌സാന്‍ നാഗോര്‍ എന്നിവര്‍ ചടങ്ങില്‍ സംബന്ധിച്ചു.
ജനങ്ങളില്‍ നിന്ന് ലഭിക്കുന്ന ഓരോ ആദരവും പ്രവര്‍ത്തന മണ്ഡലത്തില്‍ തങ്ങള്‍ക്കു കരുത്ത് പകരുന്നുവെന്ന് ജില്ലാ കളക്ടര്‍ അഭിപ്രായപ്പെട്ടു. കോവിഡ് 19 വ്യാപനം തടയുന്നതിന്റെ ഭാഗമായി ജില്ലയില്‍ ആവശ്യമായ ബാരിക്കേഡുകള്‍ നല്‍കാന്‍ സന്നദ്ധ സംഘടനകള്‍ മുന്നോട്ടു വരണമെന്ന് ജില്ലാ പോലീസ് മേധാവി അഭ്യര്‍ത്ഥിച്ചു. തനിക്ക് ലഭിച്ച ഉപഹാരം ജില്ലയിലെ മുഴുവര്‍ ആരോഗ്യപ്രവര്‍ത്തകര്‍ക്കായി സമര്‍പ്പിക്കുന്നുവെന്ന് ഡി.എം.ഒ. തദ്ദവസരത്തില്‍ പറഞ്ഞു.
പ്രതികരിക്കാൻ ഇവിടെ എഴുതുക: