കൊല്ലം: പൂതക്കുളം സര്‍വീസ് ബാങ്കിനുള്ളില്‍ കളക്ഷന്‍ ഏജന്റ് തീകൊളുത്തി ആത്മഹത്യ ചെയ്യാനുള്ള സാഹചര്യത്തെക്കുറിച്ച് ക്രൈംബ്രാഞ്ച് അന്വേഷണം നടത്തണമെന്ന് ബിജെപി കൊല്ലം ജില്ലാ പ്രസിഡന്റ് ബി.ബി.ഗോപകുമാര്‍ ആവശ്യപ്പെട്ടു.
കാല്‍നൂറ്റാണ്ടായി ബാങ്കില്‍ താത്കാലികമായി ജോലി ചെയ്യുന്ന സത്യവതി ആത്മഹത്യ ചെയ്യണമെങ്കില്‍ ബാങ്ക് അധികൃതരുടെ മാനസിക പീഡനം സഹിക്കാന്‍ കഴിയുന്നതിനും അപ്പുറം ആയിരിക്കാം. സീനിയോറിറ്റി എല്ലാം മറികടന്നാണ് ഇവിടെ നിയമനങ്ങള്‍ നടന്നിരിക്കുന്നത്.
സത്യവതിയ്‌ക്ക് സ്ഥിര നിയമനം നല്‍കണമെന്ന കോടതി ഉത്തരവ് ഉണ്ടായിരുന്നെങ്കിലും ബാങ്ക് അത് പാലിച്ചിട്ടില്ല. അതുകൊണ്ട് തന്നെ സത്യവതി ആത്മഹത്യ ചെയ്യാനുണ്ടായ സാഹചര്യത്തെ കുറിച്ച് ക്രൈംബ്രാഞ്ച് അന്വേഷണം നടത്തണമെന്ന് ബിജെപി ജില്ലാ പ്രസിഡന്റ് ബി.ബി.ഗോപകുമാര്‍ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: