ബെര്‍ലിന്‍: കൊറോണയ്‌ക്ക് ശേഷം പുനരാരംഭിച്ച ബുന്ദസ് ലിഗയില്‍ ഹെര്‍ത്ത ബെര്‍ലിന്‍ കുതിപ്പ് തുടരുന്നു. മറുപടിയില്ലാത്ത നാല് ഗോളുകള്‍ക്ക് യൂണിയന്‍ ബെര്‍ലിനെ തോല്‍പ്പിച്ച് ഹെര്‍ത്ത തുടര്‍ച്ചയായ രണ്ടാം വിജയം ആഘോഷിച്ചു.
രണ്ടാം പകുതിയിലാണ് നാലു ഗോളുകളും പിറന്നത്. ഇബിസെവിച്ച്, ഡോഡി ലൂക്ക്ബാസിയോ, മത്തേവൂസ് കുന്‍ഹ, ഡിഡ്രൈക്ക് ബോയോട്ട എന്നിവരാണ് ഹെര്‍ത്തക്കായി ഗോളുകള്‍ നേടിയത്.
ശനിയാഴ്ച നടന്ന ആദ്യ മത്സരത്തില്‍ ഹെര്‍ത്ത ഏകപക്ഷീയമായ മൂന്ന് ഗോളുകള്‍ക്ക് ഹോഫീന്‍ഹീമിനെ തോല്‍പ്പിച്ചിരുന്നു.ഈ വിജയത്തോടെ ഹെര്‍ത്ത് പോയിന്റ് നിലയില്‍ പത്താം സ്ഥാനത്തേക്ക് ഉയര്‍ന്നു. ഇരുപത്തിയേഴ് മത്സരങ്ങളില്‍ അവര്‍ക്ക് മുപ്പത്തിനാല് പോയിന്റായി. അതേസമയം യൂണിയന്‍ ബെര്‍ലിന്‍ മുപ്പത് പോയിന്റുമായി പന്ത്രണ്ടാം സ്ഥാനത്താണ്.
കൊറോണ വ്യാപനത്തെ തുടര്‍ന്ന് രണ്ട് മാസത്തെ ഇടവേളയ്‌ക്ക്് ശേഷമാണ് ബുന്ദസ് ലിഗ പുനരാരംഭിച്ചത്. ഇന്ന് നടക്കുന്ന മത്സരങ്ങളില്‍ ഷാല്‍ക്കെ ഓഗസ്ബര്‍ഗിനെയും മെയിന്‍സ് ആര്‍.ബി. ലീപ്‌സിഗിനെയും നേരിടും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: