ന്യൂദല്‍ഹി : 2.9 കോടി ഇന്ത്യാക്കാരുടെ സ്വകാര്യ വിവരങ്ങള്‍ ഡാര്‍ക്ക് വെബ് വഴി സൈബര്‍ കുറ്റവാളികള്‍ പങ്കുവെയ്‌ക്കുന്നു. സൈബര്‍ സുരക്ഷാ സ്ഥാപനമായ സൈബിള്‍ വഴിയാണ് ഇതുസംബന്ധിച്ച വിവരങ്ങള്‍ പുറത്തുവിട്ടിരിക്കുന്നത്. ബ്ലോഗിലൂടെ ഫയലിന്റെ സ്‌ക്രീന്‍ഷോട്ടും അവര്‍ പങ്കുവെച്ചിട്ടുണ്ട്.
ഉദ്യോഗാര്‍ത്ഥികളുടെ ഇമെയില്‍, ഫോണ്‍ നമ്പര്‍, വിദ്യാഭ്യാസ യോഗ്യത, തൊഴില്‍ അനുഭവ പരിചയം, മേല്‍വിലാസം ഉള്‍പ്പടെയുള്ള വ്യക്തിവിവരങ്ങള്‍ അതിലുണ്ട്. 2.3 ജിബി വലിപ്പമുള്ള ഫയലാണിത്.
ഇന്ത്യയിലെ പല മുന്‍നിര തൊഴില്‍ വെബ്സൈറ്റുകളുടെ പേരുകളിലുള്ള ഫോള്‍ഡറുകള്‍ ഇക്കൂട്ടത്തിലുണ്ട്. ഈ വിവരങ്ങളുടെ ഉറവിടം കണ്ടെത്താന്‍ സൈബിള്‍ സ്വന്തം നിലയില്‍ അന്വേഷണം ആരംഭിച്ചു കഴിഞ്ഞു.
ഉദ്യോഗാര്‍ത്ഥികളുടെ റെസ്യൂമുകള്‍ ശേഖരിക്കുന്ന ഏജന്‍സികളില്‍ ഏതെങ്കിലും ഒന്നില്‍ നിന്നാകാം ഈ വിവരങ്ങള്‍ ചോര്‍ന്നതെന്നാണ് അനുമാനിക്കുന്നത്. അതേസമയം ആള്‍മാറാട്ടത്തിനും സാമ്പത്തിക തട്ടിപ്പുകള്‍ ഉള്‍പ്പടെയുള്ള പലവിധ തട്ടിപ്പുകള്‍ക്കും കോര്‍പ്പറേറ്റ് ചാരവൃത്തിക്കും വേണ്ടി ഈ വിവരങ്ങള്‍ ഉപയോഗിക്കപ്പെടാനിടയുണ്ട്.
പ്രതികരിക്കാൻ ഇവിടെ എഴുതുക: