കൊച്ചി: സംസ്ഥാന സര്‍ക്കാരിന്റെ അഡീഷണല്‍ ചീഫ് സെക്രട്ടറി സ്ഥാനത്തേക്ക് അല്‍കേഷ് കുമാര്‍ ശര്‍മ്മയ്‌ക്ക് സ്ഥാനക്കയറ്റം നല്‍കി. കൊച്ചി മെട്രോ റെയില്‍ ലിമിറ്റഡ് മാനേജിങ് ഡയറക്ടര്‍ പദവി അഡീഷണല്‍ ചീഫ് സെക്രട്ടറിയുടെ ഉത്തരവാദിത്തത്തിന് തുല്യമാണെന്ന് സര്‍ക്കാര്‍ അറിയിച്ചു.
കേരള സര്‍ക്കാര്‍ എംപാനല്‍ ചെയ്ത ഏറ്റവും പുതിയ ഉദ്യോഗസ്ഥരുടെ പട്ടികയില്‍ നിന്ന് ആദ്യമായി അഡീഷണല്‍ ചീഫ് സെക്രട്ടറിയായി സ്ഥാനക്കയറ്റം ലഭിക്കുന്നയാളാണ് അല്‍കേഷ് കുമാര്‍ ശര്‍മ.
2019 സെപ്റ്റംബര്‍ 27-നാണ് അല്‍കേഷ് കുമാര്‍ ശര്‍മ കെഎംആര്‍എല്‍ എംഡിയായി ചുമതലയേല്‍ക്കുന്നത്. ഇതിന് മുന്‍പ് ദല്‍ഹി- മുംബൈ ഇന്‍ഡസ്ട്രിയല്‍ കോറിഡോര്‍ ഡെവലെപ്മെന്റ് കോര്‍പ്പറേഷന്‍ ലിമിറ്റഡിന്റെ ചീഫ് എക്സിക്യൂട്ടീവ് ഓഫീസര്‍, മാനേജിങ് ഡയറക്ടര്‍ തുടങ്ങിയ ചുമതല വഹിച്ചിരുന്നു. 1990 ഐഎഎസ് ബാച്ചിലെ ഓഫീസറാണ്.
പ്രതികരിക്കാൻ ഇവിടെ എഴുതുക: