കൊച്ചി: ക്വാറന്റൈന് മാനദണ്ഡങ്ങള് ലംഘിച്ച നഗരത്തിലെ 16 പേരെ പിടികൂടി പ്രത്യേക നിരീക്ഷണ കേന്ദ്രത്തിലേക്ക് മാറ്റി. വീടുകളില് നിരീക്ഷണത്തിലിരിക്കെ പുറത്തിറങ്ങുതെന്നത് ഉള്പ്പെടെയുള്ള നിര്ദേശങ്ങള് പാലിക്കാതിരുന്ന ആറു പേരെ ഇടക്കൊച്ചിയിലെ പ്രത്യേക നിരീക്ഷണ കേന്ദ്രത്തിലേക്ക് മാറ്റി.
ക്വാറന്റീന് ലംഘനം സംബന്ധിച്ച പരാതികള് വ്യാപകമാകുന്ന സാഹചര്യത്തിലാണ് പോലീസ് നിരീക്ഷണം ശക്തമാക്കിയത്. നിരീക്ഷണ ആപ്പ് ഉപയോഗിച്ചും ബീറ്റ് പോലീസിനെ ഉപയോഗിച്ച് നേരിട്ടും പരിശോധന നടത്തിയാണ് ക്വാറന്റീന് ലംഘകരെ കണ്ടെത്തിയത്.
ക്വാറന്റൈന് ലംഘിക്കുന്നവരെ താമസിപ്പിക്കാന് മാത്രമായാണ് ഇടക്കൊച്ചിയില് പ്രത്യേക ഇന്സ്റ്റിറ്റിയൂഷണല് ക്വാറന്റീന് കേന്ദ്രവും ജില്ലാ ഭരണകൂടം ആരംഭിച്ചത്. നിലവില് ക്വാറന്റൈന് ലംഘിച്ച ആറു പേരെ ഇങ്ങോട്ട് എത്തിച്ചു. അര്ബുദ രോഗി ഉള്പ്പെടെ ഉള്ളതിനാല് ചിലരെ കര്ശന വ്യവസ്ഥകളോടെ ഹോം ക്വാറന്റീനില് തുടരാന് അനുവദിച്ചിട്ടുണ്ട്.
വരും ദിവസങ്ങളിലും നിരീക്ഷണം ശക്തമായി തുടരുമെന്നും ക്വാറന്റീന് ലംഘിക്കുന്നവര്ക്കെതിരെ കര്ശന നടപടികള് ഉണ്ടാകുമെന്നും പോലീസ് അറിയിച്ചു.
