കൊച്ചി: വീടുകളില്‍ നിരീക്ഷണത്തില്‍ കഴിയുന്നവര്‍ പാലിക്കേണ്ട മാര്‍ഗ നിര്‍ദേശങ്ങള്‍ പൊതുജനങ്ങളിലേക്ക് എത്തിക്കാനായി ജില്ലാ ഭരണകൂടം പുറത്തിറക്കിയ ‘അരികില്‍’ ഷോര്‍ട് ഫിലിമിന് അഭിനന്ദന പ്രവാഹം. കളക്ടര്‍ എസ്. സുഹാസിന്റെ ഫേസ്ബുക് പേജില്‍ പോസ്റ്റ് ചെയ്ത ഷോര്‍ട് ഫിലിം കുറഞ്ഞ ദിവസങ്ങള്‍ കൊണ്ടാണ് സാമൂഹ്യ മാധ്യമങ്ങളില്‍ തരംഗമായത്.
അമൃത് രാജ് സംവിധാനം ചെയ്ത് സണ്ണി വെയിന്‍, താര അമല ജോസഫ്, ജെസ് സ്വീജന്‍, നീരജ രാജേന്ദ്രന്‍, എന്‍.വി. രാജേന്ദ്രന്‍ എന്നിവര്‍ മുഖ്യകഥാപാത്രങ്ങളായി അഭിനയിച്ച ചിത്രം വീടുകളില്‍ നിരീക്ഷണത്തില്‍ കഴിയുമ്പോള്‍ പിന്തുടരേണ്ട മാനദണ്ഡങ്ങളാണ് കാണിക്കുന്നത്.
വീടുകളില്‍ നിരീക്ഷണത്തില്‍ കഴിയുന്നവരുമായി സമ്പര്‍ക്കമൊഴിവാക്കി സഹാനുഭൂതിയും കരുതലും സ്‌നേഹവും പങ്കുവെക്കാന്‍ സാധിക്കണം എന്ന സന്ദേശമാണ് ‘അരികില്‍ ‘ പറയുന്നത്. നാടിന്റെ നിലനില്പില്‍ പങ്കാളികളായ പ്രവാസികള്‍ മടങ്ങി വരുമ്പോള്‍ അവര്‍ക്ക് കരുതലോടെ സൗകര്യങ്ങള്‍ ഒരുക്കാം എന്ന കളക്ടറുടെ സന്ദേശത്തോടു കൂടിയാണ് ചിത്രം അവസാനിക്കുന്നത്. ഒപ്പം വീടുകളില്‍ നിരീക്ഷണത്തിന് എത്തുന്ന ആളുകള്‍ പിന്തുടരേണ്ട കാര്യങ്ങളും കുടുംബാംഗങ്ങള്‍ സ്വീകരിക്കേണ്ട മാര്‍ഗനിര്‍ദേശങ്ങളും ചിത്രം പങ്കുവെക്കുന്നു.
പ്രതികരിക്കാൻ ഇവിടെ എഴുതുക: