കോഴിക്കോട്: ജിഹാദിനെ തുറന്നു കാട്ടിയ സീ ന്യൂസ് എഡിറ്റര് ഇന് ചീഫിനെതിരെ കേരള പോലീസ് എഫ്ഐആര് രജിസ്റ്റര് ചെയ്തു. കോഴിക്കോട് കസബ പോലീസാണ് കേസ് രജിസ്റ്റര് ചെയ്തിരിക്കുന്നത്. മുസ്ലീം മതവികാരത്തെ വ്രണപ്പെടുത്തി എന്ന് ആരോപിച്ച് എഐഎസ്എഫ് സംസ്ഥാന ജോയന്റ് സെക്രട്ടറി പി. ഗവാസ് കോഴിക്കോട് സിറ്റി പോലീസ് കമ്മീഷണര്ക്ക് നല്കിയ പരാതിയെ തുടര്ന്നാണ് സീ ന്യൂസ് എഡിറ്റര് ഇന് ചീഫ് സുധീര് ചൗധരിക്കെതിരെ കേസ് രജിസ്റ്റര് ചെയ്തിരിക്കുന്നത്.
മാര്ച്ച് 11ന് സംപ്രേക്ഷണം ചെയ്ത പരിപാടിക്കെതിരെയാണ് എഐവൈഎഫ് നേതാവ് പരാതി നല്കിയത്. ആസൂത്രിതമായി നടക്കുന്ന ലൗവ് ജിഹാദടക്കമുള്ള പ്രവര്ത്തനങ്ങളെ തുറന്നു കാണിക്കുന്ന നിരവധി വാര്ത്താധിഷ്ഠിത പരിപാടികള് ചാനല് സംപ്രേക്ഷണം ചെയ്തിരുന്നു.
മാധ്യമജിഹാദ്, സാംസ്കാരിക ജിഹാദ്, മതേതരത്വജിഹാദ്, ഭൂമി ജിഹാദ്, തുടങ്ങിയ വിവിധ ജിഹാദുകളെക്കുറിച്ച് ചാനലിലെ ഡിഎന്എ എന്ന പരിപാടിയില് സുധീര് ചൗധരി വ്യക്തമാക്കിയിരുന്നു. ഐപിസി 295 എ വകുപ്പ് പ്രകാരമാണ് കേസ് എടുത്തിരിക്കുന്നത്.
