കൊച്ചി: ഡിഫന്സ് റിസര്ച്ച് ഡവലപ്മെന്റ് ഓര്ഗനൈസേഷന്റെ എന്പിഒ ലാബ് വികസിപ്പിച്ചെടുത്ത അള്ട്രാവയലറ്റ് അണുനാശിനി ഉപകരണം സിയാലില് സ്ഥാപിച്ചു.
വിമാനത്തില് നിന്ന് ബാഗേജ് പുനര്വിന്യാസ സംവിധാനത്തിലെത്തുന്ന ബാഗുകളെ ആദ്യം സോഡിയം ഹൈപ്പോക്ലോറേറ്റ് ഉപയോഗിച്ച് അണുവിമുക്തമാക്കും. തുടര്ന്ന് ബെല്റ്റിലൂടെ നീങ്ങുന്ന ബാഗേജുകള് രണ്ട് ടണലുകളിലൂടെ കടന്നുപോകും. ഓരോ ടണലിന് മുമ്പിലും ബാഗിന്റെ ഓരോ വശത്തും അള്ട്രാവയലറ്റ് രശ്മികള് പതിപ്പിക്കും.ഇത് ഓട്ടോമാറ്റിക് സംവിധാനമാണ്. ഇതിനുശേഷമാകും യാത്രക്കാര് ബാഗുകളെടുക്കുന്ന കെറോസല് ഭാഗത്തേയ്ക്ക് ഇവയെത്തുക.
കളമശേരി മെഡിക്കല് കോളേജിന്റെ സഹായത്തോടെയാണ് എന്പിഒഎല് ഈ സംവിധാനം വികസിപ്പിച്ചത്. ഓരോ ബാഗിലും വൈറസ് ഉണ്ടെങ്കില് എത്ര അളവില് രശ്മി പതിപ്പിക്കണമെന്നതുമായി ബന്ധപ്പെട്ട പരീക്ഷണങ്ങള് വിജയകരമായി പൂര്ത്തിയാക്കിയിട്ടുണ്ട്. യാത്രക്കാര്ക്ക് ഉപയോഗിക്കാനായി 500 ട്രോളികള് സജ്ജമാക്കിയിട്ടുണ്ട്.
