കൊറോണ പ്രതിരോധത്തിനായി ധനസഹായം നല്‍കാന്‍ ആഹ്വാനവുമായി തെന്നിന്ത്യന്‍ താരം ശ്രിയ ശരണ്‍. ധനസഹായം ചെയ്യുന്നവില്‍ നിന്ന് തെരഞ്ഞെടുക്കുന്നവര്‍ക്ക് തന്നോടൊപ്പം നൃത്തം ചെയ്യാമെന്നും ഇന്‍സ്റ്റാഗ്രാമില്‍ പങ്കുവെച്ച വീഡിമയായില്‍ അവര്‍ പറയുന്നു. വൈറസ് ബാധിതരായവരെ സഹായിക്കാനായി ഫണ്ട് ശേഖരിക്കാന്‍ ചെന്നൈയിലെ ടാസ്‌ക് ഫോഴ്സും കൈന്‍ഡ്നെസ് ഫൗണ്ടേഷനുമായാണ് ശ്രിയ പുതിയ ആശയം അവതരിപ്പിച്ചിരിക്കുന്നത്.
ഗൂഗിള്‍ പേ വഴി 200 രൂപ സഹായധനം നല്‍കാനാണ് ശ്രിയ ഇന്‍സ്റ്റഗ്രാമിലൂടെ ആവശ്യപ്പെടുന്നത്. പേ ചെയ്തു കഴിഞ്ഞാല്‍ ഇതിന്റെ സ്‌ക്രീന്‍ ഷോട്ട് ഫൗണ്ടേഷന് മെയില്‍ ചെയ്യണം. തുടര്‍ന്ന് തിരഞ്ഞെടുക്കുന്ന രണ്ടു ലക്കി വിന്നറുകള്‍ക്ക് താരത്തിനൊപ്പം നൃത്തം ചെയ്യാം. കൂടുതല്‍ വിവരങ്ങള്‍ക്കായി കൈന്‍ഡ്നെസ് ഫൗണ്ടേഷന്റെ പേജ് നോക്കണമെന്നും താരം ഇന്‍സ്റ്റഗ്രാമില്‍ പങ്കുവെച്ച വീഡിയോയില്‍ പറയുന്നു.
പ്രതികരിക്കാൻ ഇവിടെ എഴുതുക: