മുംബൈ : മഹാരാഷ്ട്രയിലെ പാല്ഘറില് ഹിന്ദു സന്യാസിമാരെ കൊലപ്പെടുത്തിയ കേസില് അറസ്റ്റിലായ പ്രതിക്ക് കോവിഡെന്ന് സ്ഥിരീകരണം. കേസില് ആദ്യം അറസ്റ്റിലായവരില് ഒരു പ്രതിക്കാണ് രോഗം സ്ഥിരീകരിച്ചത്. ജയിലില് കഴിയവേ ഇയാള് രോഗലക്ഷണങ്ങള് പ്രകടിപ്പിക്കുകയായിരുന്നു.
ഇയാള് ഇപ്പോള് ജെജെ ആശുപത്രിയില് ചികിത്സയിലാണ്. ഇതുമായി ബന്ധപ്പെട്ട് സഹതടവുകാരേയും നിരീക്ഷണത്തിലാക്കി. 25ഓളം ആളുകളുമായി ഇയാള് സമ്പര്ക്കത്തില് ഉണ്ടായിരുന്നതായാണ് റിപ്പോര്ട്ട്. ഇവരിലേക്ക് രോഗബാധ പടര്ന്നിട്ടുണ്ടോ എന്നും സംശയിക്കുന്നുണ്ട്.
പാല്ഘറില് ഹിന്ദു സന്യാസിമാരെ ആക്രമിച്ച് കൊലപ്പെടുത്തിയ സംഭവത്തില് ഇതുവരെ 115 പേരെയാണ് പോലീസ് അറസ്റ്റ് ചെയ്തിരിക്കുന്നത്. വെള്ളിയാഴ്ചയേയും അഞ്ച് പേരെ പോലീസ് അറസ്റ്റ് ചെയ്തിരുന്നു. അതേസമയം പ്രതികളില് ഒമ്പത് പേര് പ്രായപൂര്ത്തിയാകാത്തവരാണ്.
