കാസര്‍കോട്: കാസര്‍കോട് ജില്ലയില്‍ ഇന്നലെ കോവിഡ്19 പുതിയ പോസിറ്റീവ് കേസുകള്‍ ഇല്ല. പുതുതായി 2 പേരെ കൂടി ഐസൊലേഷന്‍ വാര്‍ഡില്‍ പ്രവേശിപ്പിച്ചു. ജില്ലയില്‍ 2197 പേരാണ് നിരീക്ഷണത്തിലുള്ളത്.
വീടുകളില്‍ 2165 പേരും ആശുപത്രികളില്‍ 32 പേരുമാണുള്ളത്. തുടര്‍ സാമ്പിള്‍ ഉള്‍പ്പെടെ 3791 സാമ്പിളുകളാണ് ആകെ അയച്ചത്. 3104 സാമ്പിളുകളുടെ പരിശോധന ഫലം നെഗറ്റീവ് ആണ്. 370 സാമ്പിളുകളുടെപരിശോധന ഫലം ലഭിക്കാനുണ്ട്.
ജില്ലയില്‍ ഇതുവരെ രോഗബാധ സ്ഥിരീകരിച്ച 160 പേരാണ് രോഗവിമുക്തരായത്. 256 പേര്‍ നിരീക്ഷണ കാലയളവ് പൂര്‍ത്തീകരിച്ചു. ഇന്നലെ കാസര്‍കോട് മെഡിക്കല്‍ കോളേജില്‍ നിന്ന് ഒരാളെക്കൂടി രോഗം ഭേദമായി ഡിസ്ചാര്‍ജ് ചെയ്തു.
നിലവില്‍ ജില്ലയില്‍ 15 പോസിറ്റീവ് കേസുകള്‍ ആണുള്ളത്. 91.4 ശതമാനമാണ് ജില്ലയിലെ കൊറോണ രോഗ ബാധിതരുടെ റിക്കവറി റേറ്റ്.
പ്രതികരിക്കാൻ ഇവിടെ എഴുതുക: