ലഖ്‌നൗ: കൊറോണ വൈറസ്(കൊവിഡ് 19) സംസ്ഥാനത്ത് വ്യാപകമാകുന്ന കാരണത്താലും രോഗത്തിനെതിരെ പോരാട്ടം നടക്കുന്നതിനാലും പിതാവ് ആനന്ദ് സിങ് ബിഷ്തിന്റെ മരണാനന്തര ചടങ്ങില്‍ പങ്കെടുക്കാന്‍ സാധിക്കില്ലെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. വൃക്ക സംബന്ധമായ അസുഖത്തെ തുടര്‍ന്ന് ദല്‍ഹി എയിംസില്‍ ചികിത്സയിലായിരുന്ന യോഗി ആദിത്യനാഥിന്റെ അച്ഛന്‍ ആനന്ദ് സിങ് ബിഷ്ത് തിങ്കളാഴ്ച രാവിലെ 10.44 നാണ് മരിച്ചത്.
നാളെയാണ് സംസ്‌കാരചടങ്ങുകള്‍ തീരുമാനിച്ചിരിക്കുന്നത്. എന്നാല്‍ കൊവിഡിനെതിരായ പോരാട്ടം നടക്കുന്നതിനാല്‍ തനിക്ക് പിതാവിന്റെ സംസ്‌കാര ചടങ്ങില്‍ പങ്കെടുക്കാന്‍ സാധിക്കില്ലെന്ന് യുപി മുഖ്യമന്ത്രി അറിയിക്കുകയായിരുന്നു.
പിതാവിന്റെ മരണവാര്‍ത്ത ഒരു മീറ്റിങ്ങിനിടയിലാണ് യോഗി അറിയുന്നത്. മരണാനന്തര ചടങ്ങുകള്‍ക്കായി ആനന്ദ് സിങ് ബിഷ്തിന്റെ മൃതദേഹം ഉത്തരാഖണ്ഡിലെ പൗരി ജില്ലയിലെ ഗ്രാമത്തിലെത്തിക്കും. കേന്ദ്രമന്ത്രി സ്മൃതി ഇറാനി, പ്രിയങ്ക ഗാന്ധി വദ്ര, അഖിലേഷ് യാദവ്, അഡീഷണല് ചീഫ് സെക്രട്ടറി (ഹോം) അവനിഷ് അവസ്തി തുടങ്ങി നിരവധി പേര് തങ്ങളുടെ അനുശോചനം രേഖപ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: