ന്യൂദല്‍ഹി: കൊറോണ വൈറസ് വ്യാപകമാകുന്ന പശ്ചാത്തലത്തില്‍ രോഗത്തെ നേരിടാന്‍ താങ്ങായ ഇന്ത്യയ്ക്ക് നന്ദി അറിയിച്ച് യുഎഇ. വൈറസ് ബാധയെ ഫലപ്രദമായി നേരിടുന്നതിന് ഹൈഡ്രോക്സിക്ലോറോക്വിന്‍ നല്‍കണമെന്ന യുഎഇയുടെ അഭ്യര്‍ത്ഥന അംഗീകരിച്ച കേന്ദ്രസര്‍ക്കാര്‍ ആദ്യ ഘട്ടമെന്ന നിലയില്‍ 5.5 മില്യണ്‍ മരുന്നാണ് യുഎഇയിലേക്ക് കയറ്റി അയച്ചത്. വരും ദിവസങ്ങളില്‍ യുഎഇയ്‌ക്ക് ആവശ്യമുള്ള മരുന്നുകള്‍ കയറ്റി അയക്കുമെന്നാണ് റിപ്പോര്‍ട്ട്.
ഹൈഡ്രോക്സിക്ലോറോക്വിന്‍ നല്‍കണമെന്ന ആവശ്യം അംഗീകരിച്ച കേന്ദ്രസര്‍ക്കാരിന് യുഎഇ എംബസ്സി നന്ദി അറിയിച്ചു. കൊറോണവൈറസ് വ്യാപനം തടയാന്‍ ഇന്ത്യ ശക്തമായി പ്രതിരോധപ്രവര്‍ത്തനങ്ങളാണ് നടത്തുന്നത്. ഇതിനോടൊപ്പം മറ്റുരാജ്യങ്ങളെ സഹായിക്കുന്ന ഇന്ത്യന്‍ സര്‍ക്കാരിന് അഭിനന്ദനങ്ങള്‍ അറിയിക്കുന്നതായും യുഎഇ എംബസ്സി ട്വിറ്ററില്‍ കുറിച്ചു.
ലോകത്ത് ഹൈഡ്രോക്സിക്ലോറോക്വിന്‍ ഏറ്റവും കൂടുതല്‍ ഉത്പാദിപ്പിക്കുന്ന രാജ്യം ഇന്ത്യയാണ്. അതുകൊണ്ടു തന്നെ വികസിത രാജ്യങ്ങള്‍ ഉള്‍പ്പെടെ മരുന്ന് നല്‍കണമെന്ന് ഇന്ത്യയോട് അഭ്യര്‍ത്ഥിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: