ക്വാറന്റെയിന്‍ ജീവിതത്തോട് പൊരുത്തപ്പെട്ട് തുടങ്ങിയിരിക്കുകയാണ് നമ്മള്‍. കുടുംബാന്തരീക്ഷത്തോട് പൂര്‍ണമായും പൊരുത്തപ്പെട്ട് വീട്ടിലിരുന്നുകൊണ്ടു തന്നെ ക്രീയേറ്റിവാകാമെന്നും നാം പഠിച്ചു. നിരവധി താരങ്ങള്‍ ഇക്കാര്യം ഇതിനോടകം തന്നെ വ്യക്തമാക്കിയിട്ടുള്ളതുമാണ്. ഇപ്പോഴിതാ മകള്‍ മറിയത്തിന്റെ കുറുമ്പുകള്‍ സോഷ്യല്‍ മീഡിയയിലൂടെ പങ്കു വച്ചിരിക്കുകയാണ് ദുല്‍ഖര്‍ സല്‍മാന്‍.
കഴിഞ്ഞ ദിവസം താരം ഇന്‍സ്റ്റഗ്രാമില്‍ പങ്കുവച്ച ഒരു ചിത്രമാണ് ഇപ്പോള്‍ ആരാധകരില്‍ കൗതുകമുണര്‍ത്തുന്നത്. വിരലുകളിലെല്ലാം നെയില്‍പോളിഷ് ഇട്ട് കയ്യിലൊരു സ്റ്റിക്കര്‍ ടാറ്റൂവും പതിച്ച് നില്‍ക്കുന്ന ദുല്‍ഖറിന്റെ ചിത്രമാണത്. ക്വാറന്റയിന്‍ കാലത്തെ ഒരു അച്ഛന്റെ ജീവിതം ചിത്രത്തിലൂടെ പങ്കുവയ്‌ക്കുകയാണ് താരം.
കുഞ്ഞുമറിയമാണ് ദുല്‍ഖറിന്റെ ഇപ്പോഴത്തെ ബ്യൂട്ടീഷന്‍. ഇത്തരത്തില്‍ ഉമ്മ സുല്‍ഫത്തിനെ അടുക്കളയില്‍ സഹായിക്കുന്ന ഒരു ചിത്രവും താരം സമൂഹമാധ്യമങ്ങളില്‍ പങ്കുവച്ചിരുന്നു. ആസിഫ് അലി, സൗബിന്‍, വിജയ് യേശുദാസ്, കാളിദാസ് ജയറാം, ജോജു ജോര്‍ജ്, ഫര്‍ഹാന്‍ ഫാസില്‍ തുടങ്ങി നിരവധിയേറെ പേരാണ് ചിത്രത്തിന് കമന്റ് ചെയ്തത്.
പ്രതികരിക്കാൻ ഇവിടെ എഴുതുക: