ആലപ്പുഴ: ഇനി അമ്മിണി സഹായത്തിനായി അലയേണ്ട. കനിവുള്ള കൈകള് സഹായവാഗ്ദാനവുമായി രംഗത്ത്. അമ്പലപ്പുഴ കേന്ദ്രമായി പ്രവര്ത്തിക്കുന്ന പദ്മശ്രീ തിലകന് ഫൗണ്ടേഷനാണ് സഹായം നല്കുക. മെയ് മുതല് എല്ലാമാസവും 1000 രൂപ അമ്മിണിയുടെ ബാങ്ക് അക്കൗണ്ടില് എത്തിചേരുമെന്ന് ഫൗണ്ടേഷന് മാനേജിങ് ഡയറക്ടര് സി. രാധാക്യഷ്ണന് അറിയിച്ചു.
നാടക-ചലചിത്ര ലോകത്ത് സജീവമായിരുന്ന കലാകാരി ഇന്ന് അവഗണിക്കപ്പെട്ട് യാതന അനുഭവിക്കുന്നതായുള്ള ജന്മഭൂമിയില് വന്ന അറുപതുകളിലെ ആവേശം നരകയാതനയില്’ എന്ന വാര്ത്ത കണ്ടാണ് കലാസാംസ്കാരിക സംഘടന സഹായം വാഗ്ദാനം നല്കിയത്.
മുംബൈയില്നിന്ന് വാര്ത്ത വായിച്ച ഒരാള് രാധാകൃഷ്ണനെ വിവരം അറിയിക്കുകയായിരുന്നു. തുടര്ന്നാണ് സഹായ പദ്ധതിയില് അമ്മിണിയെക്കൂടി ഉള്പ്പെടുത്തിയത്.
ഫൗണ്ടേഷന് ഇപ്പോള് 36 അവശ കലാകാരന്മാര്ക്ക് 1000 രൂപ വീതം പ്രതിമാസം നല്കുന്നുണ്ട്. താനും സുഹൃത്ത് ഹരികുമാര് തട്ടാരുപറമ്പിലും ചേര്ന്നാണ് സഹായങ്ങള് നല്കുന്നതെന്നും നിരവധി സേവനപ്രവര്ത്തനങ്ങള് നടത്തുന്നുണ്ടെന്നും രാധാകൃഷ്ണന് പറഞ്ഞു.
