കോഴിക്കോട്: കോവിഡ് വ്യാപനം തടയുന്നതിനായി നിയന്ത്രണങ്ങള്‍ കര്‍ശനമാക്കുന്നു. കോഴിക്കോട് കോര്‍പ്പറേഷനിലെയും ചങ്ങരോത്ത്, കായക്കൊടി ഗ്രാമപഞ്ചായത്തുകളിലെയും ചില വാര്‍ഡുകളില്‍ പൊതുപ്രവേശന റോഡുകളിലൂടെയുള്ള വാഹനഗതാഗതം നിരോധിച്ചു. കോര്‍പറേഷനിലെ 42, 43, 44, 45, 54, 55, 56 വാര്‍ഡുകള്‍, ചങ്ങരോത്ത് ഗ്രാമപഞ്ചായത്തിലെ മൂന്നാം വാര്‍ഡ്, കായക്കൊടി ഗ്രാമപഞ്ചായത്തിലെ ആറ്, ഏഴ്, എട്ട് എന്നീ വാര്‍ഡുകളിലും വാഹനഗതാഗതം നിരോധിച്ച് ജില്ലാ കളക്ടര്‍ എസ്. സാംബശിവ റാവു ഉത്തരവായി.
അവശ്യവസ്തുക്കളുടെ വിതരണത്തിന് വരുന്ന വാഹനങ്ങള്‍ക്ക് നിരോധനം ബാധകമല്ല. അടിയന്തിര വൈദ്യസഹായത്തിനല്ലാതെ വാര്‍ഡുകള്‍ക്ക് പുറത്തേക്ക് സഞ്ചരിക്കുന്നതും മറ്റുള്ളവര്‍ ഈ വാര്‍ഡുകളിലേക്ക് പ്രവേശിക്കുന്നതും നിരോധിച്ചു. വാര്‍ഡുകള്‍ ഉള്‍പ്പെടുന്ന പ്രദേശങ്ങളില്‍ ഭക്ഷ്യ, അവശ്യ വസ്തുക്കള്‍ കച്ചവടം ചെയ്യുന്ന സ്ഥാപനങ്ങള്‍ രാവിലെ എട്ട് മണിമുതല്‍ 11 മണിവരെയും പൊതുവിതരണ സ്ഥാപനങ്ങള്‍ രാവിലെ എട്ട് മണിമുതല്‍ ഉച്ചക്ക് രണ്ട് മണിവരെയും മാത്രമേ പ്രവര്‍ത്തിപ്പിക്കാന്‍ പാടുള്ളു. യാതൊരു കാരണവശാലും പുറത്ത്, വീടുകള്‍ക്ക് പുറത്ത് ആളുകള്‍ കൂട്ടം കൂടി നില്‍ക്കാന്‍ പാടില്ല. വാര്‍ഡുകള്‍ക്ക് പുറത്ത്—നിന്ന് അവശ്യവസ്തുക്കള്‍ ആവശ്യമായി വന്നാല്‍ വാര്‍ഡ് ആര്‍ആര്‍ടികളുടെ സഹായം തേടാം. ഈ പ്രദേശങ്ങളില്‍ പോലീസ് നിരീക്ഷണം ശക്തിപ്പെടുത്തും. ഉത്തരവ് പാലിക്കപ്പെടാത്തപക്ഷം ഇന്ത്യന്‍ പീനല്‍ കോഡ് സെക്ഷന്‍ 188, 269 പ്രകാരം ബന്ധപ്പെട്ടവരുടെ പേരില്‍ കര്‍ശന നടപടികള്‍ സ്വീകരിക്കുമെന്ന് കളക്ടര്‍ അറിയിച്ചു.
കപ്പക്കല്‍, കൊളത്തറ ഭാഗങ്ങളില്‍ കോര്‍പറേഷന്‍ ഹെല്‍ത്ത് ഓഫീസര്‍ ആര്‍.എസ്. ഗോപകുമാറിന്റെ നേതൃത്വത്തില്‍ പരിശോധന നടത്തി. സമയപരിധി കഴിഞ്ഞിട്ടും അടക്കാത്ത കടകള്‍ പരിശോധകസംഘം അടപ്പിച്ചു.
ഗതാഗത നിരോധനം ഏർപെടുത്തിയ റോഡുകള്‍
കപ്പക്കല്‍ പ്രദേശത്തെ (വാര്‍ഡ് 54,55,56) കോതിപാലം വഴിയുള്ള ഗതാഗതം, ഒ.ബി. റോഡ് മാറാട്’ഭാഗം റോഡ്, വട്ടക്കിണര്‍ വൈഎംആര്‍സി മില്ലത്ത് കോളനി ഭാഗത്തേക്കുള്ള റോഡ്, പന്നിയങ്കര മേല്‍പാലത്തിന് പടിഞ്ഞാറ് ‘ഭാഗത്തേക്കുള്ള ഗതാഗതം, കൊളത്തറ ഭാഗത്തെ (വാര്‍ഡ് 42,43,44,45,) ഒളവണ്ണ തൊണ്ടിലക്കടവ് റോഡ്, മോഡേണ്‍ ബസാര്‍ കൊളത്തറ റോഡ്, ഞെളിയന്‍പറമ്പ് റഹ്മാന്‍ ബസാര്‍ റോഡ്, ശാരദാ മന്ദിരം റഹ്മാന്‍ ബസാര്‍ റോഡ്, ശാരദാമന്ദിരം കോട്ടാലട റോഡ്, പനയത്തട്ട് റോഡ്, കൊളത്തറ ചെറുവണ്ണൂര്‍ റോഡ് കണ്ണാട്ടികുളം റോഡ്, കൊളത്തറ ജംഗ്ഷന്‍, നല്ലളം ബസാര്‍ ഡിസ്‌പെന്‍സറി റോഡ്, നല്ലളം ഗീരീഷ് ജംഗ്ഷന്‍ ജയന്തി റോഡ്, പൂളക്കടവ് താഴത്തിയില്‍ റോഡ്, ഒളവണ്ണകൊളത്തറ ചുങ്കം റോഡ്.
ചങ്ങരോത്ത് ഗ്രാമപഞ്ചായത്തിലെ (വാര്‍ഡ് 3) പാറക്കടവ് തോട്ടത്തികണ്ടി റോഡ്, തോട്ടത്തികണ്ടി അമ്പലം പുഴവക്ക് റോഡ്, കായക്കൊടി ഗ്രാമപഞ്ചായത്തിലെ (വാര്‍ഡ് 6,7,8) മുട്ടുങ്ങല്‍ പക്രന്തളം റോഡ്, ദേവര്‍കോവില്‍ അമ്പലം റോഡ്, അക്വഡറ്റ് പാലം പുത്തന്‍പുരയില്‍ റോഡ്, മുക്കില്‍ പീടിക ചെറുകുന്ന് റോഡ്, അക്വഡറ്റ് പാലം കനാല്‍റോഡ് (കള്ളാട് ), മുക്കില്‍പീടീകപുഴക്കല്‍ റോഡ്, മുക്കില്‍പീടികആലോള്ളതില്‍ റോഡ്, പുഴക്കല്‍ പള്ളി കനാല്‍ റോഡ്, കാഞ്ഞിരോളിമുട്ടുനട റോഡ്, കാഞ്ഞിരോളി ചെറുവേലി റോഡ്, കുമ്പളം കണ്ടി നടപ്പാത, പുത്തന്‍ വീട്ടില്‍ റോഡ് (റഹ്മ കോളേജിന് മുന്‍വശം), കൊടക്കല്‍പ്പള്ളിനെല്ലോളിച്ചികണ്ടി (പുഴക്കല്‍ റോഡ്), കല്ലുക്കണ്ടി റോഡ് എന്നിവിടങ്ങളിലാണ് നിരോധനം.
പ്രതികരിക്കാൻ ഇവിടെ എഴുതുക: