ഹൈദരാബാദ്: ഇന്ത്യയില് കോവിഡ് 19നെ പ്രതിരോധിക്കാന് ലോക് ഡൗണ് അല്ലാതെ മറ്റൊരു മാര്ഗമില്ല. രാജ്യത്ത് കൊറോണ കേസുകള് വര്ധിച്ചതോടെ ലോക്ഡൗണ് നീട്ടണമെന്ന് അഭ്യര്ത്ഥിച്ച് തെലങ്കാന മുഖ്യമന്ത്രി ചന്ദ്രശേഖര റാവു. പ്രധാനമന്ത്രി നരേന്ദ്രമോദിയുമായി സംസ്ഥാനത്തിന്റെ വിവരങ്ങള് പങ്കുവെയ്ക്കവേയാണ് ഇക്കാര്യം അറിയിച്ചത്.
ജനങ്ങളുടെ ജീവന് ആദ്യം രക്ഷിക്കേണ്ടതുണ്ട്. സമ്പദ്വ്യവസ്ഥയെ പിന്നീട് സംരക്ഷിക്കാന് കഴിയുമെന്നാണ് ചന്ദ്രശേഖര് റാവു മോദിയെ അറിയിച്ചത്. നമ്മുടേത് പോലെയുള്ള ഒരു രാജ്യത്ത് ലോക്ഡൗണ് അല്ലാതെ മറ്റൊരു മാര്ഗമില്ല. കൊറോണ കേസുകള് വര്ധിക്കുകയാണ്. അതിനാല് ഇതിനെ പ്രതിരോധിക്കുന്നതിനായി ലോക് ഡൗണ് നീട്ടണമെന്നും ചന്ദ്രശേഖര് റാവു അറിയിച്ചു.
കോവിഡ് -19 നെ ആഗോളതലത്തില് വന് പ്രതിസന്ധിയാണ് ഉയര്ത്തിയിട്ടുള്ളത്. ഇത് മൂലം ലോകത്ത് 22 രാജ്യങ്ങള് 100 ശതമാനം ലോക്ഡൗണ് പ്രഖ്യാപിക്കുകയും 90 രാജ്യങ്ങള് ഭാഗിക ലോക്ഡൗണ് നടപ്പിലാക്കുകയും ചെയ്തിട്ടുണ്ട്. രാജ്യവ്യാപക ലോക്ക്ഡൗണ് പ്രഖ്യാപിച്ചത് നല്ല തീരുമാനമായിരുന്നു. അതിനാല് നമുക്ക് പ്രതീക്ഷയോടെ ഇരിക്കാന് കഴിഞ്ഞു. ജൂണ് മൂന്ന് വരെ ലോക്ക്ഡൗണ് തുടരണമെന്നാണ് ബിസിജി സര്വേ പറയുന്നതെന്നും അദ്ദേഹം കൂട്ടിച്ചേര്ത്തു.
ലോക്ഡൗണ് അവസാനിക്കാന് എട്ടുദിവസം കൂടി ബാക്കിയിക്കേയാണ് ചന്ദ്രശേഖര് റാവുവിന്റെ ഈ പ്രസ്താവന. ലോക് ഡൗണ് പിന്വലിക്കുന്നതിനെക്കുറിച്ച് സംസ്ഥാന മുഖ്യമന്ത്രിമാരോട് പ്രധാനമന്ത്രി വീഡിയോ കോണ്ഫറന്സിലൂടെ അഭിപ്രായം ആരാഞ്ഞിരുന്നു.
