കൊടുവള്ളി: കരുവന്പൊയിലില് മദ്യ-മയക്കുമരുന്ന് സംഘത്തിന്റെ അക്രമം. കരുവന്പൊയിലില് വള്ളുവ ശ്മശാനത്തിന് സമീപം മയക്കുമരുന്ന് സംഘത്തെ ചോദ്യംചെയ്ത ടി.പി. ഉസ്സയിന്ഹാജിയെയാണ് മയക്കുമരുന്ന് സംഘം അക്രമിച്ച് പരിക്കേല്പ്പിച്ചത്.
ഉസ്സയിന്ഹാജിയുടെ വലതുകൈയ്ക്കും കാലിലും മുറിവേറ്റു. ഉസ്സയിന്ഹാജിയുടെ മകന് ടി.പി. മുനീറിനെ ഇവര് ഭീഷണിപ്പെടുത്തുകയും ചെയ്തു.
വെള്ളിയാഴ്ച ഉച്ചയോടെയാണ് സംഭവം. നാട്ടുകാര് കൊടുവള്ളി വിവരം അറിയിച്ചതിനെതുടര്ന്ന് പോലീസ് സ്ഥലത്തെത്തുകയും മയക്കുമരുന്ന് സംഘത്തെ അടിച്ചോടിക്കുകയുമായിരുന്നു. പോലീസ് എത്തുന്നതുവരെ നാട്ടുകാര് തടഞ്ഞുവെച്ച മയക്കുമരുന്ന് സംഘത്തെ കസ്റ്റഡിയിലെടുക്കാതെ തല്ലിയോടിച്ച പോലീസ് നടപടിയില് നാട്ടുകാര്ക്ക് പ്രതിഷേധമുണ്ട്. കരുവന്പൊയില് പൂളക്കല് വള്ളുവശ്മശാനത്തിന് സമീപവും ചുണ്ടപ്പുറം കാരാട്ടുപൊയില് പാലക്കുണ്ടത്തിനടുത്ത് ആളൊഴിഞ്ഞ പ്രദേശത്തും മയക്കുമരുന്ന് സംഘം താവളമാക്കി യതായി നാട്ടുകാര് ആരോപിക്കുന്നു.
