പൊയിനാച്ചി: പൊയിനാച്ചിയിലും കോറോണ ഐസോലേഷന്‍ വാര്‍ഡ് വേണമെന്ന ആവശ്യം ശക്തമാവുന്നു. ജില്ലയില്‍ സ്കൂളുകളും അനുബന്ധ സ്ഥാപനങ്ങളു മുന്‍കൂട്ടി തയ്യാറെടുക്കുമ്പോള്‍ പൊയിനാച്ചിയിലും പരിസരത്തും ഇത്തരം കേന്ദ്രങ്ങളില്ല.
ജില്ലയില്‍ ഏറ്റവും കൂടുതല്‍ കോറണ ബാധിത പഞ്ചായത്തായ ചെമ്മനാടില്‍ സ്ഥിതി ചെയ്യുന്ന പഴയ സ്വകാര്യ ആശുപത്രി കെട്ടിടം ഐസോലേഷന്‍ വാര്‍ഡ് ആക്കണമെന്നാണ് ആവശ്യപ്പെടുന്നത്. ദേശീയ പാതയ്‌ക്കരികില്‍ ഉപയോഗിക്കാതെ കിടക്കുന്ന മൂന്ന് നില കെട്ടിടം ഇതിന് അനുയോജ്യമാണെന്ന് നാട്ടുകാര്‍ പറയുന്നു.
വര്‍ഷങ്ങള്‍ക്ക് മുമ്പ് ഈ കെട്ടിടത്തില്‍ത്തില്‍ സ്വകാര്യ ആശുപത്രി പ്രവര്‍ത്തിച്ചിരുന്നു. പിന്നീട് എഞ്ചിനിയറിംഗ് കോളേജ് വിദ്യാര്‍ത്ഥികളുടെ ഹോസ്റ്റലായും പ്രവര്‍ത്തിച്ചിരുന്നു. ഇത് വാര്‍ഡാക്കി മാറ്റിയാല്‍ ചെമ്മനാട്, ഉദുമ, ബേഡകം പഞ്ചായത്തുകാര്‍ക്കും ഉപകാരപ്പെടും. ദേശീയ പാതയ്‌ക്കരികിലായതിനാല്‍ യാത്ര സൗകര്യത്തിനും ബുദ്ധിമുട്ടുണ്ടാവില്ല.
പ്രതികരിക്കാൻ ഇവിടെ എഴുതുക