ഡാളസ്: ഡാളസ് ആസ്ഥാനമായി പ്രവര്‍ത്തിക്കുന്ന സൗത്ത്-വെസ്റ്റ് എയര്‍ലൈന്‍സ് ദിവസേനയുള്ള ആയിരം സര്‍വീസുകള്‍ ക്യാന്‍സല്‍ ചെയ്തു . നാലായിരത്തിലധികം സര്‍വീസുള്ള എയര്‍ ലൈന്‍സിന്റെ 25% ആണ് വെട്ടിക്കുറയ്‌ക്കുന്നതെന്ന് കമ്പനി വക്താവ് അറിയിച്ചു.
കൊറോണ വൈറസ് വ്യാപകമായതിനെ തുടര്‍ന്നുണ്ടായ സാഹചര്യത്തില്‍ യാത്രക്കാരുടെ കുറവാണ് ഇങ്ങനെയൊരു തീരുമാനം സ്വീകരിക്കുന്നതിന് നിര്‍ബന്ധമാക്കിയത്. ഏപ്രില്‍ 14 വരെ ഈ സ്ഥിതി തുടരുമെന്നും വക്താവ പറഞ്ഞു.
അന്തര്‍ദ്ദേശീയ തലത്തിലുള്ള വിമാന സര്‍വീസുകളും തല്‍ക്കാലം നിര്‍ത്തി വച്ചിരിക്കയാണ്. 170 അന്തര്‍ദ്ദേശീയ സര്‍വീസുകളാണ് സൗത്ത് വെസ്റ്റ് എയര്‍ലൈന്‍സ് ഓപ്പറേറ്റ് ചെയ്യുന്നത്. ജീവനക്കാരോടും അവധിയില്‍ പ്രവേശിക്കാന്‍ കമ്പനി നിര്‍ദ്ദേശം നല്‍കി.
പ്രതികരിക്കാൻ ഇവിടെ എഴുതുക: