ന്യൂഡല്ഹി : കൊറോണയുടെ പശ്ചാത്തലത്തില് സിബിഎസ്ഇ 10, 12 ക്ലാസുകളിലെ പരീക്ഷകള് മാറ്റി. കേന്ദ്ര സര്ക്കാര് നിര്ദേശിച്ചതിനെ തുടര്ന്നാണ് അടിയന്തര തീരുമാനം. ഈമാസം 31നുശേഷം നടത്താന് കഴിയുംവിധം പുനഃക്രമീകരിക്കാനാണു നിര്ദ്ദേശം. യുജിസി, എഐസിടിഇ, ജെഇഇ മെയിന് തുടങ്ങിയ പരീക്ഷകളും മാറ്റി.
അതേസമയം, നിലവില് കേരളത്തില് എസ്എസ്എല്സി, പ്ലസ് വണ്, പ്ലസ് ടു, വിഎച്ച്എസ്ഇ പരീക്ഷകള് മാറ്റമില്ലാതെ തുടരുമെന്നു പൊതുവിദ്യാഭ്യാസ ഡയറക്ടര് അറിയിച്ചു. തിയറി, പ്രാക്ടിക്കല് ഉള്പ്പെടെ ആരോഗ്യ സര്വകലാശാല മാര്ച്ച് 31 വരെ നടത്താനിരുന്ന എല്ലാ പരീക്ഷകളും മാറ്റിവച്ചു. പരീക്ഷകള്ക്ക് മാറ്റമില്ലെന്ന് കണ്ണൂര് സര്വകലാശാലയും എംജി സര്വകലാശാലയും അറിയിച്ചു.
