ന്യൂദല്ഹി: കൊറോണ വൈറസ് ബാധ രാജ്യത്ത് സ്ഥിരീകരിച്ചെങ്കിലും ആശങ്കപ്പെടേണ്ട സാഹചര്യമില്ലെന്നും ആവശ്യമായ പ്രതിരോധ നടപടികള് സ്ഥീകരിച്ചിട്ടുണ്ടെന്നും കേന്ദ്ര ആരോഗ്യ മന്ത്രി ഹര്ഷ വര്ധന്.
ചൈനയില്നിന്ന് തിരിച്ചെത്തുന്ന എല്ലാവര്ക്കും വിമാനത്താവളങ്ങളില് ആവശ്യമായ മെഡിക്കല് പരിശോധന നടത്തി സുരക്ഷാ മുന്നൊരുക്കം നടത്തിയിരുന്നെന്നും വൈറസിനെ പ്രതിരോധിക്കാന് സര്ക്കാര് സജ്ജമാണെന്നും എല്ലാ മുന്കരുതല് നടപടികള് സ്വീകരിച്ചതായും മന്ത്രി വ്യക്തമാക്കി. ചൈനയിലെ വുഹാനില് നിന്ന് തിരിച്ചെത്തിയ മലയാളി വിദ്യാര്ഥിക്ക് വൈറസ് ബാധ സ്ഥിരീകരിച്ചതിന് പിന്നാലെയാണ് കേന്ദ്രമന്ത്രിയുടെ പ്രതികരണം.
ലോകാരോഗ്യ സംഘടനയുടെ മാനദണ്ഡം അനുസരിച്ച് രോഗ ബാധിതന്റെ പോരോ മറ്റു വിവരങ്ങളോ പുറത്തുവിട്ടിട്ടില്ല. കേരളത്തില് തിരിച്ചെത്തിയ വുഹാന് സര്വകലാശാല വിദ്യാര്ഥിക്കാണ് വൈറസ് ബാധ സ്ഥിരീകരിച്ചത്. അതേസമയം വിദ്യാര്ഥിയുടെ നിലഗുരുതരമല്ലെന്നും നിരീക്ഷണത്തില് തുടരുകയാണെന്നും കേന്ദ്ര ആരോഗ്യമന്ത്രാലയം വ്യക്തമാക്കി.
