തിരുവല്ല: ജന്മഭൂമി പത്തനംതിട്ട എഡിഷന്റെ ഓഫീസ് ഉദ്ഘാടനം തിരുവല്ല കെഎസ്ആര്ടിസി ബസ് സ്റ്റാന്ഡിന് എതിര്വശം ചാലക്കുഴി ബില്ഡിങ്ങില് ഇന്നലെ വൈകിട്ട് മിസോറാം മുന് ഗവര്ണര് കുമ്മനം രാജശേഖരന് ഭദ്രദീപം കൊളുത്തി നിര്വഹിച്ചു. കേരളത്തിന്റെ സംസ്കാരിക തനിമ നിലനിര്ത്തുന്ന മികച്ച പത്രമാണ് ജന്മഭൂമി. ജന്മഭൂമിയുടെ വികസനം സമൂഹത്തിന് പ്രചോദനമാണെന്നും അദ്ദേഹം ചൂണ്ടിക്കാട്ടി.
ഇനിയും നന്മയുടെ വെളിച്ചമേകാന് ജന്മഭൂമി ഉയരങ്ങളിലേക്ക് എത്തട്ടെയെന്ന് അദ്ദേഹം ആശംസിച്ചു. ജന്മഭൂമിയുടെ ഒമ്പതാം എഡിഷനാണ് തിരുവല്ലയില് പ്രവര്ത്തനം ആരംഭിക്കുന്നത്. ജന്മഭൂമിയുടെ എഡിഷന് ഓഫീസിന്റെ സ്വിച്ച് ഓണ് കര്മവും കുമ്മനം രാജശേഖരന് നിര്വഹിച്ചു.
ആര്എസ്എസ് ശബരിഗിരി വിഭാഗ് സംഘചാലക് സി.പി. മോഹനചന്ദ്രന്, വിഭാഗ് സഹകാര്യവാഹ് ജി. ബിനു, ശബരിഗിരി ജില്ലാകാര്യവാഹ് രജീഷ്, ബിജെപി പത്തനംതിട്ട ജില്ലാ പ്രസിഡന്റ് അശോകന് കുളനട, ആലപ്പുഴ ജില്ലാ പ്രസിഡന്റ് എം.വി. ഗോപകുമാര്, കെ.ജി. കര്ത്ത, വിശ്വഹിന്ദു പരിഷത്ത് ജില്ലാ പ്രസിഡന്റ് ടി.ആര്. ബാലചന്ദ്രന്, ജില്ലാ സെക്രട്ടറി സജികുമാര്, ബ്ലോക്ക് പഞ്ചായത്ത് അംഗം അജയകുമാര് പുല്ലാട്, ബിജെപി തിരുവല്ല നിയോജക മണ്ഡലം പ്രസിഡന്റ് ശ്യാം മണിപ്പുഴ, പ്രസന്നകുമാര് കൂറ്റൂര്, കൗണ്സിലര് റീന മാത്യു ചാലക്കുഴി, ശ്രീരാജ് ശ്രീവത്സം, ജന്മഭൂമി അസിസ്റ്റന്റ് മാനേജര് എന്. അനില്, ന്യൂസ് എഡിറ്റര് ബാബു കൃഷ്ണകല തുടങ്ങിയവര് ചടങ്ങില് പങ്കെടുത്തു.
