തിരുവനന്തപുരം: പൗരത്വ നിയമം കൊണ്ടു വന്നതിലൂടെ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്ര സര്ക്കാര് വിവേനന്ദസ്വാമിയുടെ വീക്ഷണം തന്നെയാണ് നടപ്പാക്കുന്നതെന്ന് വ്യക്തമാക്കി യുവമോര്ച്ച സംസ്ഥാന സെക്രട്ടറി സന്ദീപ് ജി. വാര്യര്. ഒരു നരേന്ദ്രന് ലോകത്തെ പീഡിത ജനതയ്ക്കായി വാതില് തുറന്നിട്ട രാജ്യമായി ഭാരതത്തെ വിശേഷിപ്പിച്ചു. മറ്റൊരു നരേന്ദ്രന് പീഡന ജനതയ്ക്ക് ഭാരതത്തില് അഭയം നല്കി പൗരത്വം അനുവദിച്ചെന്നും അദ്ദേഹം ഫെയ്സ്ബുക്കിലൂടെ വ്യക്തമാക്കി.
അവനവനില് വിശ്വസിക്കുന്ന വ്യക്തികള്ക്കു മാത്രമെ ശക്തിയും മഹത്ത്വവും ലഭിച്ചിട്ടുള്ളു എന്ന ഒരു നരേന്ദ്രന് പറഞ്ഞു. ലോകരാഷ്ട്രങ്ങള്ക്കിടയില് ആത്മവിശ്വാസത്തോടുകൂടി ഭാരതത്തിന്റെ ഗൗരവവും മഹത്വവും മറ്റൊരു നരേന്ദ്രന് ഉയര്ത്തിപ്പിടിച്ചു. രാഷ്ട്രങ്ങളുടെ ചരിത്രം നോക്കിയാല് ഈ വസ്തുത വ്യക്തമായി മനസിലാക്കാമെന്നും സന്ദീപ് വാര്യര് പറഞ്ഞു.
ഫെയ്സ്ബുക്കിന്റെ പൂര്ണരൂപം:-
ഒരു നരേന്ദ്രന് ലോകത്തെ പീഡിത ജനതയ്ക്കായി വാതില് തുറന്നിട്ട രാജ്യമായി ഭാരതത്തെ വിശേഷിപ്പിച്ചു. മറ്റൊരു നരേന്ദ്രന് പീഡന ജനതയ്ക്ക് ഭാരതത്തില് അഭയം നല്കി പൗരത്വം അനുവദിച്ചു.
അടിമയെപ്പോലെയല്ല ജോലി ചെയ്യേണ്ടത്, യജമാനനെപ്പോലെയാണ്, അവിരഹിതമായി ജോലി ചെയ്യുക, പക്ഷേ അടിമയുടെ ജോലിയാകരുത് എന്ന് ഒരു നരേന്ദ്രന് പറഞ്ഞു. കോടിക്കണക്കിന് വരുന്ന യുവാക്കള്ക്ക് സ്വന്തം തൊഴില് മേഖല കണ്ടെത്താന് മുദ്ര വായ്പയും സ്റ്റാന്ഡ് അപ്പ് ഇന്ത്യ പദ്ധതിയും മറ്റൊരു നരേന്ദ്രന് ആരംഭിച്ചു.
രാഷ്ട്രങ്ങളുടെ ചരിത്രം നോക്കിയാല് നിങ്ങള്ക്കൊരു വസ്തുത കാണാം അവനവനില് വിശ്വസിക്കുന്ന വ്യക്തികള്ക്കു മാത്രമെ ശക്തിയും മഹത്ത്വവും ലഭിച്ചിട്ടുള്ളു എന്ന ഒരു നരേന്ദ്രന് പറഞ്ഞു. ലോകരാഷ്ട്രങ്ങള്ക്കിടയില് ആത്മവിശ്വാസത്തോടുകൂടി ഭാരതത്തിന്റെ ഗൗരവവും മഹത്വവും മറ്റൊരു നരേന്ദ്രന് ഉയര്ത്തിപ്പിടിച്ചു.
ഉറച്ച മനസ്സും കാരിരുമ്പിന് പേശികളുള്ള തലമുറയെയാണ് ഭാരതത്തിന് ആവശ്യം എന്ന് ഒരു നരേന്ദ്രന് പറഞ്ഞു. ഫിറ്റ് ഇന്ത്യയും യോഗ ദിനവും നടപ്പിലാക്കി മറ്റൊരു നരേന്ദ്രന് കരുത്തുറ്റ യുവ ഭാരതത്തെ വാര്ത്തെടുക്കുന്നു.
ഉത്തിഷ്ഠത ജാഗ്രത പ്രാപ്യ വരാന് നിബോധത എന്ന ഒരു നരേന്ദ്രന് ഭാരതീയ യുവതയെ ഉദ്ബോധിപ്പിച്ചു. മറ്റൊരു നരേന്ദ്രന് സദാ ഉണര്ന്നിരുന്നു വിശ്രമമില്ലാതെ ലക്ഷ്യ പൂര്ത്തീകരണത്തിനായി പ്രവര്ത്തിച്ചു കൊണ്ടേയിരിക്കുന്നു.
ഏവര്ക്കും വിവേകാനന്ദ ജയന്തി, ദേശീയ യുവജന ദിനം ആശംസകള്.
