അശ്വിനി അയ്യർ തിവാരിയുടെ സംവിധാനത്തിൽ കങ്കണ റണാവത് നായികയാവുന്ന സ്പോർട്സ് പശ്ചാത്തലത്തിലുള്ള ഹിന്ദി ചിത്രമായ ‘ പംഗാ ‘ യുടെ ട്രെയിലർ പുറത്തിറങ്ങി. ട്രെയിലർ മൂന്നു ദിവസത്തിനുള്ളിൽ നാൽപ്പത്തി ഏഴു മില്യനിൽ ഏറെ കാഴ്ചക്കാരെ ആകർഷിച്ചു തരംഗം സൃഷ്ടിച്ചിരിക്കയാണ്.
ദേശീയ കബഡി താരത്തിന്റെ കഥാപാത്രമാണ് നായികാ പ്രാധാന്യമുള്ള ചിത്രത്തിൽ കങ്കണ അവതരിപ്പിക്കുന്നത്. ജാസി ഗിൽ, നീനാ ഗുപ്ത, റിച്ചാ ചന്ദ, പങ്കജ് ത്രിപാഠി, യാഗിയാ ഭാസിൽ എന്നിവരാണ് ‘ പംഗാ ‘ യിലെ മറ്റു പ്രധാന താരങ്ങൾ. ഫോക്സ് സ്റ്റാർ സ്റ്റുഡിയോസ് നിർമ്മിക്കുന്ന ‘ പംഗാ ‘ ജനുവരി 24- ന് പ്രദർശനത്തിനെത്തും.
“ഏറെ വൈകാരികതയുള്ള, എന്റെ മനസ്സിനെ സ്വാധീനിച്ച ഒരു കഥയാണ് ‘പംഗാ’യുടേത്. സംവിധായിക അശ്വിനി എന്നോട് കഥ പറയുമ്പോൾ ആ കഥയിൽ ആകൃഷ്ടയായി എന്നതിനേക്കാൾ ഞാൻ ലയിക്കുകയായിരുന്നു. ഒരു സ്ത്രീയുടെ കരുത്ത് കുടുംബമാണ്. കുടുംബത്തിന്റെ പിന്തുണയും പ്രോത്സാഹനവും ഉണ്ടെങ്കിൽ അവൾക്ക് സമൂഹ ജീവിതത്തിൽ ഏതു പ്രതിസന്ധിയെയും അതിജീവിച്ച് വിജയം നേടാനാവും എന്ന ആത്മ വിശ്വാസം പകരുന്ന സന്ദേശമാണ്‌ ഈ സ്പോർട്സ് ത്രില്ലർ ചിത്രം നൽകുന്നത്.
‘പംഗാ’ എന്റെ കരിയറിലെ പ്രധാനപ്പെട്ട സിനിമയാണ്. ഒരു ദേശീയ കബഡി താരത്തിന്റെ വേഷമാണ് എന്റേത്. ഒരു ചാലഞ്ചിങ് ആയ വേഷം.” കങ്കണാ റണാവത് പറഞ്ഞു.
പ്രതികരിക്കാൻ ഇവിടെ എഴുതുക: