ന്യൂദല്ഹി : കേന്ദ്ര സര്ക്കാര് കൊണ്ടുവന്ന പൗരത്വ നിയമ ഭേദഗതിയെ അനുകൂലിച്ച് സമൂഹ മാധ്യമങ്ങളില് പോസ്റ്റിട്ടതിന് മത തീവ്രവാദികള് ഡോക്ടറെക്കൊണ്ട് ഖത്തറിലെ ജോലി രാജിവെപ്പിച്ചു. പൗരത്വ നിയമ ഭേദഗതിയെ അനുകൂലിച്ച് ഡോ. അജിത് മല്യാടനെതിരെയാണ് ഈ നടപടിയുണ്ടായിരിക്കുന്നത്.
മത വിദ്വേഷത്തിന് ഫേസ്ബുക്കിലൂടെ പ്രചാരം നല്കിയെന്ന് ആരോപിച്ച് അജിത് ജോലി ചെയ്തിരുന്ന നസീം ഹെല്ത്ത് കെയറില് നിന്നും നിര്ബന്ധപൂര്വ്വം ഇയാളെക്കൊണ്ട് രാജിവെയ്പ്പിക്കുകയായിരുന്നു.
പൗരത്വ ബില്ലല്ല സത്യത്തില് വിഷയം. ആവശ്യം നരേന്ദ്രമോദി സര്ക്കാരിനെ താഴെയിറക്കുക എന്നതാണ്. ഏറ്റവും എളുപ്പം ഇളക്കി വിടാവുന്ന വിഭാഗത്തെ തെറ്റിദ്ധരിപ്പിച്ച് കലാപം സൃഷ്ടിക്കുക രാജ്യത്ത് അരക്ഷിതാവസ്ഥ ഉണ്ടെന്ന തോന്നലുണ്ടാക്കുക എന്ന പോസ്റ്റ് അജിത് ഷെയര് ചെയ്തതിനെ തുടര്ന്നാണ് ഡോക്ടര്ക്ക് ജോലി നഷ്ടമായത്. അതേസമയം മതവിശ്വാസത്തെ നിന്ദിക്കുന്നതാണ് ഡോക്ടറുടെ പോസ്റ്റെന്ന് ചൂണ്ടിക്കാട്ടി കേരളത്തില് നിന്നുള്ള ചില മതതീവ്രവാദികളാണ് ജോലി കളയിപ്പിച്ചതെന്നും റിപ്പോര്ട്ടുണ്ട്.
ഐഎസിലേക്ക് കേരളത്തില് നിന്ന് ഏറ്റവും കൂടുതല് പേരെ കയറ്റി അയച്ച മതഭീകര സംഘടന പൗരത്വ ബില്ലിനെ അനുകൂലിക്കുന്ന ഹിന്ദുക്കള്ക്കെതിരെ വ്യാജ വാര്ത്തകള് പ്രചരിപ്പിക്കുകയാണെന്നും ഇതില് പറയുന്നുണ്ട്. അതേസമയം ഡോക്ടര് നാട്ടിലെത്തിയാല് അക്രമിക്കും എന്ന ഭീഷണികളും ഉയരുന്നുണ്ട്.
