തിരുവനന്തപുരം: ക്ലിഫ് ഹൗസില് നീന്തല്ക്കുള നവീകരണത്തിനു പിന്നാലെ മുഖ്യമന്ത്രി പിണറായി വിജയന്റെ മറ്റൊരു ചെറിയ ആഡംബരത്തിന്റെ ചിത്രം കൂടി പുറത്ത്. വിപണിയില് ലഭ്യമായ വിലയേറിയ ആപ്പിളിന്റെ സ്മാര്ട്ട് ഫോണും കൈയില് കെട്ടിയാണ് മുഖ്യമന്ത്രി കഴിഞ്ഞ ദിവസം പൊതുവേദിയില് പ്രത്യക്ഷപ്പെട്ടത്. മലയാള മനോരമ ദിനപത്രം ഈ ചിത്രം പ്രസിദ്ധീകരിക്കുകയും ചെയ്തു. സ്മാര്ട്ട് ആകാന് സമയമായി എന്ന ക്യാച്ച് വേര്ഡോടെയാണു തിരുവനന്തപുരത്ത് കിഫ്ബി കേരള നിര്മിതി വികസന ബോധവത്കരണ പപരിപാടിയുടെ സംസ്ഥാന തല ഉദ്ഘാടനചടങ്ങില് സ്മാര്ട്ട് വാച്ചില് സമയം നോക്കുന്ന പിണറായി വിജയന്റെ ചിത്രം പ്രസിദ്ധീകരിച്ചത്. എന്നാല്, ഈ ചിത്രം സോഷ്യല് മീഡിയയില് എത്തിയതോടെ കഥമാറി. ഏതാണ്ട് രണ്ടുവര്ഷം മുന്പാണ് ആപ്പിളിന്റെ സ്മാര്ട്ട് വാച്ചും മോണ്ട് ബ്ലാങ്ക് പേനയും ഉപയോഗിച്ചെന്ന പേരില് പശ്ചിമ ബംഗാളില് നിന്നുള്ള രാജ്യസഭ എംപി റിതബ്രത ബാനര്ജിയെ സിപിഎം സസ്പെന്ഡ് ചെയ്തത്. എംപിയുടെ ജീവിത ശൈലി ഇടത് ആശയത്തിന് വിരുദ്ധമാണെന്നതിനാലായിരുന്നു പാര്ട്ടി നടപടി.
ആപ്പിള് സ്മാര്ട്ട് ഫോണ് ധരിക്കുന്നത് കമ്യൂണിസ്റ്റ് ആശയത്തിനു യോജിക്കാത്തതാണെന്നാണ് അന്ന് പാര്ട്ടി വിലയിരുത്തിയത്. രണ്ടു വര്ഷത്തിനിപ്പുറം ആപ്പിള് സ്മാര്ട്ട് വാച്ച് പാര്ട്ടിയുടെ ഔദ്യോഗിക വാച്ചായോ എന്നാണ് ഇപ്പോള് സൈബര് ലോകം അന്വേഷിക്കുന്നത്. പിണറായിക്കും റിതബ്രയ്ക്കും എങ്ങനെ രണ്ടു കമ്യൂണിസ്റ്റ് ആശയങ്ങളും നിയമങ്ങളുമെന്നും ജനങ്ങള് അന്വേഷിക്കുന്നു. ചിത്രം വിവാദമായാല് മിക്കാവാറും ബ്ലഡ് പ്ലഷര് ഉള്പ്പെടെ എന്തെങ്കിലും രോഗവിവരങ്ങള് രേഖപ്പെടുത്താനുള്ളതാണ് വാച്ചെന്ന് ന്യായീകരണവുമായി സൈബര് സഖാക്കള് എത്തുമെന്നും സോഷ്യല് മീഡിയ പരിസഹിക്കുന്നു.
