ലക്നൗ: പൗരത്വ ഭേദഗതി നിയമവുമായി ബന്ധപ്പെട്ട് കലാപം അഴിച്ചു വിട്ടവര്ക്ക് ചുട്ട മറുപടിയുമായി യുപി മുഖ്യമന്ത്രി യോഗി ആദിത്യനാഥ്. അക്രമം അഴിച്ചു വിട്ടു പൊതു മുതല് നശിപ്പിച്ചവരുടെ സ്വത്തുക്കള് ലേലം ചെയ്യാന് യോഗി സര്ക്കാര് നടപടി തുടങ്ങി. കലാപങ്ങളില് പ്രതികളായവരുടെ പൂര്ണ്ണ വിവരങ്ങള് ഉടന് ശേഖരിക്കണമെന്നും നഷ്ടപരിഹാരം ഈടാക്കുന്നത് സംബന്ധിച്ച് അറിയിപ്പ് നല്കണമെന്നും മുഖ്യമന്ത്രി യോഗി ആദിത്യനാഥ് ഉന്നത ഉദ്യോഗസ്ഥര്ക്ക് നിര്ദേശം നല്കി.
പൗരത്വ ഭേദഗതി നിയമത്തിനെതിരെ തെരുവില് അക്രമം അഴിച്ചുവിടുന്നവരുടെയും പൊതുസ്വത്തുകള് നശിപ്പിക്കുന്നവര്ക്കുമെതിരെ കടുത്ത നടപടി സ്വീകരിക്കുമെന്ന് ഉത്തര്പ്രദേശ് സര്ക്കാര് വ്യക്തമാക്കിയിരുന്നു. പ്രതിഷേധത്തിന്റെ പേരില് കലാപം നടത്തരുന്നതെന്നും അക്രമികള്ക്കെതിരെ കര്ശന നടപടി സ്വീകരിക്കുമെന്ന് മുഖ്യമന്ത്രി യോഗി ആദിത്യനാഥും വ്യക്തമാക്കിയിരുന്നു. അക്രമസംഭവങ്ങളില് കുറ്റക്കാരെന്ന് കണ്ടെത്തുന്നവരുടെ സ്വത്തുക്കള് കണ്ടുകെട്ടുമെന്നും പൊതുമുതല് നശിപ്പിച്ചതിന്റെ നഷ്ടം ഇവരുടെ കൈയില് നിന്നു തന്നെ ഈടാക്കാനാണു ഇപ്പോള് നടപടി തുടങ്ങിയത്. പൊതുമുതല് നശിപ്പിച്ചതിന് തതുല്യമായ നഷ്ടപരിഹാരം ലേലത്തുകകളിലൂടെ ഈടാക്കാനാണ് തീരുമാനം. ഇതിനായി കലാപം നടന്ന സ്ഥലങ്ങളിലെ സിസിടിവി ദൃശ്യങ്ങള് ശേഖരിക്കാനും ഉന്നത പൊലീസ് ഉദ്യോഗസ്ഥര്ക്ക് നിര്ദേശം നല്കിയിട്ടുണ്ട്. പൗരത്വ ഭേദഗതി നിയമത്തിനെതിരായ പ്രതിഷേധങ്ങള്ക്കിടെ യു.പി.യിലെ പലയിടങ്ങളിലും സംഘര്ഷം രൂക്ഷമായിരുന്നു. അതിനിടെ ലക്നൗവില് കലാപം നടത്തിയ 40 പേരെ പോലീസ് പിടികൂടി. 50 പേരെ കരുതല് തടങ്കലില് പാര്പ്പിച്ചിട്ടുണ്ടെന്ന് ലക്നൗ എസ്എസ്പി കലാനിധി നൈധിനി പറഞ്ഞു. ഉത്തര്പ്രദേശിലെ ഹസ്രത് ഗഞ്ചിലാണ് വ്യാപകമായി കലാപകാരികള് ആക്രമണം നടത്തുന്നത്.
പ്രദേശത്ത് ആയിരക്കണക്കിന് ആളുകളാണ് ആക്രമണം നടത്തിയത്. നിരവധി വീടുകള് കലാപകാരികള് അടിച്ചു തകര്ത്തിട്ടുണ്ട്. മാദ്ധ്യമ പ്രവര്ത്തകരുടെ വാഹനങ്ങള് ഉള്പ്പെടയുള്ള വാഹനങ്ങള് ഇവര് അഗ്നിക്കിരയാക്കി. കലാപകാരികളെ ഭയന്ന് സാധാരണ ജനങ്ങള് വീടുകള്ക്കകത്തു തന്നെ കഴിയുന്ന അവസ്ഥയാണ് പ്രദേശത്ത് നിലവില് ഉളളത്.
