തിരുവനന്തപുരം: ജാമിയ യൂണിവേഴ്‌സിറ്റിയില്‍ മൂന്ന് പേര്‍ വെടിയേറ്റ് കൊല്ലപ്പെട്ടെന്ന നുണ പ്രചരണത്തിലൂടെ കേരളത്തില്‍ കരുതികൂട്ടി കലാപം അഴിച്ചുവിടാന്‍ ഡിവൈഎഫ്‌ഐ. പകല്‍ വെട്ടത്തില്‍ ഒന്നിനും ധൈര്യം കാട്ടാത്ത കുട്ടിസഖാക്കള്‍ ഈ കാര്യത്തിലും ഇരുട്ടിന്റെ മറയെ കൂട്ടുപിടിച്ചാണ് വ്യാജ പ്രചരണങ്ങള്‍ നടത്തുന്നത്. കേട്ടപാതി കേള്‍ക്കാത്ത പാതി വെള്ളം തൊടാതെ വിഴുങ്ങുന്ന മുസ്ലീം സഹോദരങ്ങളെ ഇവര്‍ കലാപത്തിനായി ഉപയോഗിക്കുന്നുണ്ടെന്നും വ്യക്തമാകുന്നു.
ജാമിയ യൂണിവേഴ്‌സിറ്റിയില്‍ ഒരു പെണ്‍കുട്ടി അടക്കം മൂന്ന് പേര്‍ വെടിവെപ്പില്‍ മരിച്ചെന്നാണ് കേരളത്തിന്റെ വിവിധ ഭാഗങ്ങളില്‍ കഴിഞ്ഞ രാത്രയില്‍ ഇവര്‍ പ്രചരിപ്പിച്ചത്. ദല്‍ഹി സര്‍ക്കാരും പോലീസും പോലും അങ്ങനെ ഒരു സംഭവം നടന്നിട്ടില്ലെന്ന് ആവര്‍ത്തിച്ച് വ്യക്തമാക്കുമ്പോഴാണ് ഡിവൈഎഫ്‌ഐയുടെ നുണ പ്രചരണം.
ഗുജറാത്ത് കലാപകാലത്ത് ഗര്‍ഭിണിയുടെ വയറ്റില്‍ ശൂലം കുത്തി കയറ്റി എന്ന പച്ചനുണക്കഥ കമ്മ്യൂണിസ്റ്റുകാര്‍ ഇപ്പോഴും പറഞ്ഞു നടക്കുന്നുണ്ട്. അതുപോലെ തന്നെ ഇതും. അടുത്ത പത്ത് മുപ്പത് കൊല്ലം ജാമിയയില്‍ മൂന്ന് പേര്‍ വെടിവെപ്പില്‍ കൊല്ലപ്പെട്ടു എന്ന് പറഞ്ഞു നടക്കും. എന്നാല്‍ പണ്ടത്തെ കാലമല്ല ഇന്നെന്ന തിരിച്ചറിവ് സഖാക്കള്‍ക്ക് ഇപ്പോഴും വന്നിട്ടില്ല. സമൂഹമാധ്യമങ്ങളില്‍ വീഡിയോ അടക്കം ഇതിന്റെ സത്യാവസ്ഥ പുറത്ത് വന്നിരിക്കുകയാണ്.
