ന്യൂദല്ഹി: പാര്ലമെന്റിലെ സമ്മേളനത്തില് പങ്കെടുക്കാനെത്തുമ്പോള് കേന്ദ്ര മന്ത്രി പീയുഷ് ഗോയലിന്, വൈകി എത്തിയാല് പ്രധാന അധ്യാപകന് ശകാരിക്കുമെന്ന ഭയത്തില് ഓടുന്ന കുട്ടിയുടെ അവസ്ഥയായിരുന്നു.
ചോദ്യോത്തര വേളയില് എല്ലാ എംപിമാരും പാര്ലമെന്റില് ഉണ്ടാകണമെന്ന് പ്രധാനമന്ത്രി നരേന്ദ്ര മോദിയുടെ കര്ശന നിര്ദേശമുണ്ടായിരുന്നു. സമയം പാലിക്കുന്നതിന് വേണ്ടി കാറില് നിന്നിറങ്ങിയ ഉടനെ പീയുഷ് ഗോയല് പാര്ലമെന്റിലേക്ക് അതിവേഗത്തില് ഓടുകയായിരുന്നു. കൈയില് ഫയലുകളുമായി ഓടുന്ന കേന്ദ്ര മന്ത്രിയുടെ ചിത്രം ഇതിനോടകം തന്നെ സമൂഹമാധ്യമങ്ങളില് പ്രചരിക്കുകയും ചെയ്തു.
മോദിജിയുടെ ഭരണത്തിന് കിഴിലുള്ള മന്ത്രിമാരുടെ കൃത്യനിര്വഹണത്തെ പ്രശംസിച്ചായിരുന്നു സൈബര് ലോകത്തിന്റെ കമന്റുകള്.
